కుబేరుడిని మీ ఇంటికి తెచ్చుకోవాలంటే..? నల్లటి పసుపు చాలు (video)
కుబేరుడిని మీ ఇంటికి తెచ్చుకోవాలంటే..? ఈ పని చేస్తే సరిపోతుంది. నవనిధులకు అధిపతి అయిన కుబేరుడు మీ ఇంట నివాసం వుండాలంటే.. నలుపు పసుపును వాడాలి. ధనాన్ని ఆకర్షించే శక్తి ఈ నలుపు పసుపుకు వుంది. అరుదైన ఈ నల్లటి పసుపును ఉత్తరాదిన అధికంగా వాడుతారు. దక్షిణాదిన ఈ వాడకం తక్కువే. అందుకే నల్లటి పసుపును ఇకపై వాడటం మరిచిపోకండని ఆధ్యాత్మిక పండితులు అంటున్నారు.
వ్యాపారం చేసే ప్రాంతంలో, గృహాల్లో నల్లటి పసుపును వాడటం ద్వారా ఈతిబాధలు, ఆర్థిక ఇబ్బందులు వుండవు. ఈ నలుపు పసుపు చెక్కను రాతిపై నూరి.. తిలకంగా ధరిస్తే.. ధనాదాయం వుంటుంది. అంతేగాకుండా జాతకం ప్రకారం రాహుదోషాలను ఇది దూరం చేస్తుంది. శని గ్రహదోషాలను కూడా ఇది దూరం చేస్తుంది. ఈ పసుపును నలుపు లేదా ఎరుపు రంగు దారంలో కట్టుకుని ధరిస్తే గ్రహదోషాలుండవు.
ఇంతవరకు వసూలు కాని డబ్బులు వసూలవుతాయి. ఇంకా మన చేతిలోనే ఈ నలుపు పసుపు వుంటే ఆర్థిక ఇబ్బందులు తొలగిపోతాయి. అప్పుల బాధలు అస్సలుండవు. ఈ పసుపును బీరువాలో వుంచడం ద్వారా ఆర్థిక సమస్యలు మెల్ల మెల్లగా తొలగిపోతాయి. దీనిని ఎరుపు, పచ్చరంగుతో కూడిన పట్టు వస్త్రంలో వుంది బీరువాలో వుంచితే ఆదాయం పెరుగుతుంది.
