మహిళ స్నానం చేస్తుండగా వీడియో తీసి .. నిర్భయ చట్టం కింద బుక్కయ్యాడు!
హైదరాబాద్‌లో పోకిరి.. మహిళ స్నానం చేస్తుండగా దొంగచాటుగా వీడియో తీసి జైలుపాలయ్యాడు. గురువారం వెలుగులోకి వచ్చిన ఈ కేసు వివరాలను పరిశీలిస్తే.. బంజారాహిల్స్‌లోని రోడ్ నెంబర్ 12లో గల సయ్యద్‌నగర్‌లో రవూఫ్ అనే వ్యక్తి వృత్తిరీత్యా ఎలక్ట్రీషియన్. మంగళవారం అతను బంజారాహిల్స్‌లోని రోడ్డు నెంబర్ 12లో ఓ అపార్టుమెంటులో పని చేసేందుకు వెళ్లాడు. ఆ సమయంలో అదే అపార్టుమెంటులోని ఒక బాత్రూమ్‌లో ఓ మహిళ స్నానం చేస్తుండగా, రవూఫ్ దొంగచాటుగా తన సెల్ ద్వారా చిత్రీకరించాడు.
ఈ విషయాన్ని గమనించిన ఆ మహిళ చూసీచూడనట్టుగా బయటకు వచ్చి... మరో మహిళ సాయంతో చుట్టుపక్కల వారిని అప్రమత్తం చేసింది. ఆ సమయంలో దాన్ని గమనించి రవూఫ్ పరారయ్యాడు. ఈ సంఘటనపై బాధితురాలు పోలీసులకు ఫిర్యాదు చేసింది. ఫిర్యాదుతో పోలీసులు గాలింపు చేపట్టి నిందితుడిని అరెస్టు చేశారు. నిర్భయ చట్టం కింద కేసు నమోదు చేసి రిమాండ్‌కు తరలించారు.
