హైదరాబాద్‌లో సెక్షన్ 8 అమలుచేస్తే మరో ఉద్యమం తప్పదు: విజయశాంతి హెచ్చరిక
ప్రముఖ సినీ నటి, మాజీ ఎంపీ విజయశాంతి చాలా రోజుల తర్వాత వెలుగులోకి వచ్చారు. ఉమ్మడి రాజధాని నగరం హైదరాబాద్‌లో సెక్షన్ 8 అమలు చేసే విషయంపై ఆమె స్పందించారు. తెలంగాణలో సెక్షన్ 8 అమలు చేయడం అంటే ఇరు రాష్ట్రాల మధ్య విద్వేషాలు రెచ్చగొట్టడమే అవుతుందని అన్నారు.
ఈ విషయంలో ఏ మాత్రం తేడాలు జరిగినా, సెక్షన్ ఎనిమి అమలు చేసినా మరో ఉద్యమం తప్పదని విజయశాంతి హెచ్చరించారు. కాగా రాష్ట్ర విభజన ప్రకటన అనంతరం కాంగ్రెస్‌ తీర్థం పుచ్చుకున్న విజయశాంతి సార్వత్రిక ఎన్నికల్లో ఓడిపోయారు. అప్పటి నుంచి రాజకీయాలకు ఆమె దూరంగా ఉంటున్నారు.
