మ‌రో సీక్వెల్‌కి ప్లాన్ చేస్తున్న డైరెక్ట‌ర్ శంక‌ర్

గ్రేట్ డైరెక్ట‌ర్ శంక‌ర్ తెర‌కెక్కించిన రోబో స్వీకెల్ 2.0 ఈ నెల 29న ప్రేక్ష‌కుల ముందుకు వ‌చ్చేందుకు రెడీ అవుతోంది. సూప‌ర్ స్టార్ ర‌జ‌నీకాంత్ న‌టించిన ఈ సినిమా దాదాపు 500 కోట్ల‌తో రూపొందింది. ప్ర‌పంచ వ్యాప్తంగా 29న ప్రేక్ష‌కుల ముందుకు వ‌స్తోన్న ఈ సినిమా ఎలాంటి సెన్సేష‌న్ క్రియేట్ చేయ‌నుందో అని సినీ ప్రియులు ఎంతో ఆస‌క్తిగా ఎదురుచూస్తున్నారు. ఇదిలా ఉంటే... ఈ సినిమా త‌ర్వాత శంక‌ర్ భార‌తీయుడు చిత్రానికి సీక్వెల్‌గా ఇండియ‌న్ 2 టైటిల్‌తో సినిమా చేస్తున్న విష‌యం తెలిసిందే.

త్వ‌ర‌లోనే ఈ సినిమా సెట్స్ పైకి వెళ్లేందుకు రెడీ అవుతోంది. ఈ సినిమా త‌ర్వాత మ‌రో సీక్వెల్ చేయ‌డానికి ప్లాన్ చేస్తున్నాడ‌ట శంక‌ర్. ఇంత‌కీ ఆ సీక్వెల్ ఏంటంటే... ఒకే ఒక్క‌డు. అర్జున్ న‌టించిన ఈ సినిమా సీక్వెల్‌లో విజ‌య్ న‌టించ‌నున్నాడ‌ని తెలిసింది. ప్ర‌స్తుతం స్ర్కిప్ట్ వ‌ర్క్ జ‌రుగుతోంద‌ట‌. ఇండియ‌న్ 2 కంప్లీట్ అయిన త‌ర్వాత ఒకే ఒక్క‌డు 2 సెట్స్ పైకి తీసుకెళ్లేందుక ప్లాన్ చేస్తున్నాడ‌ని స‌మాచారం.