శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By వాసు
Last Updated : మంగళవారం, 9 ఏప్రియల్ 2019 (18:24 IST)

తమిళ ముదురు బ్యాచిలర్‌ హీరోపై ఖుష్బూ పొగడ్తలు

యువ కథానాయకుడు విశాల్‌ను తాజాగా నిర్మాతగా మారిన నటి ఖుష్బూ అభినందించారు. షూటింగ్‌లో కాలికి గాయమైనప్పటికీ నిర్మాత నష్టపోకూడదన్న సదుద్దేశంతో తన బాధను దిగమింగుకుని రెగ్యులర్‌ షూటింగ్‌లో పాల్గొంటున్నాడనీ, అతన్ని ఎలా అభినందించాలన్నది కూడా తనకు తెలియడం లేదని ఖుష్బూ చెప్పుకొచ్చారు.
 
వివరాలలోకి వెళ్తే... ఇటీవలే 'అయోగ్య' చిత్ర షూటింగ్‌ను పూర్తిచేసుకొన్న విశాల్‌, ఖుష్బూ సొంత బ్యానర్‌లో నిర్మిస్తూ, సుందర్‌.సి దర్శకత్వం వహిస్తున్న కొత్త చిత్రంలో నటిస్తున్నారు. ప్రస్తుతం టర్కీలో జరుగుతున్న ఈ చిత్ర షూటింగ్‌‌లోని... ఓ యాక్షన్‌ సన్నివేశంలో విశాల్‌ కాలికి గాయమైన విషయం తెలిసిందే. 
 
కాగా... రెండు రోజులు మాత్రమే విశ్రాంతి తీసుకున్న విశాల్‌ మళ్లీ రెగ్యులర్‌ షూటింగ్‌లో పాల్గొంటూండడం విశేషం. ఇందుకు సంబంధించి ఆ చిత్ర నిర్మాత ఖుష్బూ... విశాల్‌ను తెగ అభినందించేస్తోంది.