Widgets Magazine

సినిమా విడుదలయ్యాక హీరోయిన్‌ను తొలగించారు.. ఎక్కడ? (వీడియో)

సాధారణంగా ఒక చిత్రం షూటింగ్ సమయంలో హీరోయిన్‌ను తొలగించడం విన్నాంగానీ, సినిమా విడుదలయ్యాక హీరోయిన్‌ను తీసేయడం ఎక్కడైనా చూశామా? ఏంటి.. సినిమా విడుదలయ్యాక హీరోయిన్‌ను ఎలా తొలగిస్తారనే కదా ఆశ్చర్యం వ్యక్త

mehreen
pnr| Last Updated: బుధవారం, 15 నవంబరు 2017 (16:36 IST)
సాధారణంగా ఒక చిత్రం షూటింగ్ సమయంలో హీరోయిన్‌ను తొలగించడం విన్నాంగానీ, సినిమా విడుదలయ్యాక హీరోయిన్‌ను తీసేయడం ఎక్కడైనా చూశామా? ఏంటి.. సినిమా విడుదలయ్యాక హీరోయిన్‌ను ఎలా తొలగిస్తారనే కదా ఆశ్చర్యం వ్యక్తం చేస్తున్నారు. అలాంటి అసాధ్యాన్ని సుసాధ్యం చేశాడో తమిళ దర్శకుడు. ఆయన చర్యకు యావత్ సినీ ప్రపంచమే అవాక్కైంది.
 
ఆ దర్శకుడి పేరు సుశీంద్రన్. ఈయన దర్శకత్వంలో వచ్చిన తాజా తమిళ చిత్రం "నెంజిల్ తుని విరుందాల్". ఇందులో మెహ్రీన్ హీరోయిన్. ఈమెకు కోలీవుడ్‌లో ఇదే తొలి చిత్రం. గత శుక్రవారం విడుదలైన ఈ చిత్రం నిడివి ఎక్కువగా ఉందనే విమర్శలు వచ్చాయి. అంతే, సోమవారం ఏకంగా 20 నిమిషాల నిడివివుండే సన్నివేశాలను తొలగించారు. ఆ తర్వాత చిత్రాన్ని చూస్తే మెహ్రీన్‌ ఒక్క సీన్‌లో కూడా కంటికి కనిపించలేదు. 
 
ఈ తొలగించిన సన్నివేశాలన్నీ మెహ్రీన్ నటించినవే కావడం గమనార్హం. కానీ, టైటిల్స్‌లో మాత్రం మెహ్రీన్ పేరు కనిపిస్తోంది. సామాజిక స్పృహ కలిగి, వైవిధ్యమైన చిత్రాల దర్శకుడిగా గుర్తింపుపొందిన సుశీంద్రన్ ఇలా చేయడం తీవ్ర విమర్శలను మూటగట్టుకున్నారు. దీంతో దర్శకుడు హీరోయిన్‌కు బహిరంగ క్షమాపణ చెప్పినప్పటికీ మెహ్రీన్‌కు మాత్రం కెరీర్ పరంగా ఈ చర్య ఇబ్బందికరమే. 
 
మరోవైపు.. తెలుగులో 'కృష్ణగాడి వీరప్రేమ గాథ', 'మహానుభావుడు', 'రాజా ది గ్రేట్' చిత్రాలతో వరుస విజయాలతో దూసుకుపోతోంది. ఆమె క్యాల్షీట్ల కోసం తెలుగు నిర్మాతలు ఎదురు చూస్తున్నారు. మొత్తంమీద కోలీవుడ్‌లో చుక్కెదురైనప్పటికీ.. టాలీవుడ్‌లో మాత్రం మెహ్రీన్ హవా కొనసాగుతోందని చెప్పొచ్చు. 
 


దీనిపై మరింత చదవండి :