ఆర్ఆర్ఆర్ ప్రెస్ మీట్: నేనే అల్లూరి సీతా రామరాజుని అంటున్న రామ్ చరణ్
'బాహుబలి' తర్వాత భారీ అంచనాలతో రాజమౌళి రూపొందిస్తున్న సినిమా "ఆర్ఆర్ఆర్". ఇందులో రామ్ చరణ్, ఎన్టీఆర్‌లు కలిసి నటిస్తుండటం మరో విశేషం. ఆ సినిమాకి సంబంధించిన ప్రెస్ మీట్‌లో అభిమానులు ఎంతో ఆసక్తిగా ఎదురుచూస్తున్న ఆర్ఆర్ఆర్ సినిమా విశేషాలను చిత్ర యూనిట్ ప్రేక్షకులకు తెలియజేసింది.
ఈ సినిమా కథ, పాత్రలపై ప్రేక్షకులకు ఉన్న ఉత్కంఠతకు తెరతీస్తూ.. కథను ఇందులో రామ్ చరణ్, ఎన్టీఆర్ పాత్రల్ని తెలియజేసారు రాజమౌళి. దీనిపై ఆయన మాట్లాడుతూ, ఆర్.ఆర్.ఆర్ మూవీ ఫిక్షనల్ మూవీ అని.. ఇందులో రాంచరణ్ అల్లూరి సీతా రామరాజు పాత్రను పోషిస్తూండగా.. ఎన్టీఆర్ కొమరం భీమ్ పాత్రను పోషిస్తున్నారంటూ ఉత్కంఠకు తెరదించారు.
ఆ తర్వాత చెర్రీ మాట్లాడుతూ.. ‘నేను ఇంకా రియాలిటీలోనూ ఇది నిజమా కాదా అనే అనిపిస్తుంది. ఎప్పటి నుండో రాజమౌళితో పని చేయాలని ఉంది. అయితే నాకు బాగా నచ్చే వ్యక్తి ఎన్టీఆర్‌తో కలిసి పని చేయడం ఇంకా చాలా ఆనందంగా ఉంది. రాజమౌళి ఈ ప్రాజెక్ట్ అనుకున్నప్పుడు ఆయన ఇంటికి వెళ్లాను. వెళ్లగానే జూనియర్ ఎన్టీఆర్ కనిపించారు. అదేంటి ఈయన ఉన్నారు అనుకున్నాను.
ఇద్దరం ఒకరి ముఖం ఒకరం చూసుకున్నాం.. కొంచెంసేపయ్యాక.. మా ఇద్దర్నీ లోపలికి తీసుకువెళ్లి.. ఈ కథను చెప్పారు. ఖచ్చితంగా మీతో సినిమా చేస్తున్నాం అని ఆయనతో చెప్పాం. ఆ ఆనందంలో తీసిన ఫొటోనే అప్పట్లో మీతో షేర్ చేసాము. ఈ ఫిక్షనల్ స్టోరీ.. చాలా జాగ్రత్తగా చేస్తున్నాం. మా కాంబినేషన్‌లో వచ్చిన పాత చిత్రాలను మించి ఈ సినిమా పెద్ద హిట్ అవుతుంది’ అని అన్నారు.
అంచనాలు బాగానే ఉన్నాయి కానీ... ఇది ఎప్పటికి పూర్తి చేస్తాడో... ఎప్పుడు విడుదల చేస్తాడో మరి... రాజమౌళి గారికే తెలియాలి.
