Widgets Magazine

కత్తి-ఆర్జీవీ తీరుపై హైపర్ ఆది: ఇదిగో తెల్ల కాకి అంటే.. అదిగో పిల్ల కాకి

పవర్ స్టార్ పవన్ కల్యాణ్ నటించిన ''అజ్ఞాతవాసి'' సినిమాపై వివాదాస్పద రామ్ గోపాల్ వర్మ స్పందించాడు. సంక్రాంతి కానుకగా వచ్చిన ఈ సినిమాను చూసి జడుసుకున్నట్లు వర్మ కామెంట్స్ చేశాడు. పవన్ కెరీర్‌లోనే అత్యంత

selvi| Last Updated: గురువారం, 11 జనవరి 2018 (09:39 IST)
పవర్ స్టార్ పవన్ కల్యాణ్ నటించిన ''అజ్ఞాతవాసి'' సినిమాపై వివాదాస్పద రామ్ గోపాల్ వర్మ స్పందించాడు. సంక్రాంతి కానుకగా వచ్చిన ఈ సినిమాను చూసి జడుసుకున్నట్లు వర్మ కామెంట్స్ చేశాడు. పవన్ కెరీర్‌లోనే అత్యంత చెత్త సినిమా అయిన "పులి"ని చూసినట్టు ఉందని పేర్కొన్నాడు. కోరలు, పంజా లేని ఇలాంటి పులిని ఇప్పటివరకు చూడలేదని వ్యంగ్యంగా తెలిపాడు. చారలు లేని పులిని
తాను ఇప్పటి వరకు చూడలేదన్న వర్మ, దుమకాల్సిన పులి పాకడం తనను తీవ్ర దిగ్భ్రాంతికి గురి చేసిందని ట్వీట్ చేశాడు.

అజ్ఞాతవాసి అతిపెద్ద డిజాస్టర్ అని ఆర్జీవి అన్నాడు. అంతటితో ఆగకుండా అజ్ఞాతవాసి సినిమాపై రివ్యూలు ఇచ్చిన సినీ విశ్లేషకుడు కత్తి మహేశ్‌పై ప్రశంసలు కురిపించాడు. ''అజ్ఞాతవాసి"కి కత్తి ఇచ్చిన రివ్యూ వీడియోను తాను ఇప్పుడే చూశానని పేర్కొన్న వర్మ.. పవన్ కంటే కత్తి మహేశ్ చాలా అందంగా ఉన్నాడని సెటైర్లు విసిరాడు. రామ్ గోపాల్ వర్మ తనను పొగడటంతో కత్తి థ్యాంక్యు అంటూ సమాధానమిచ్చాడు.

కానీ జబర్దస్త్ ఫేం హైపర్ ఆది మాత్రం వెరైటీగా స్పందించాడు. వీరిద్దరి తీరు చూస్తుంటే "ఇదిగో తెల్ల కాకి అంటే.. అదిగో పిల్ల కాకి" అన్నట్టు ఉందని ఎద్దేవా చేశాడు. కత్తి మహేశ్ పేరు వింటేనే రగిలిపోతున్న పవన్ అభిమానులు ఆర్జీవీ ట్వీట్‌పై ఆగ్రహం వ్యక్తం చేశారు.


దీనిపై మరింత చదవండి :