గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By
Last Updated : గురువారం, 10 జనవరి 2019 (14:31 IST)

''విశ్వాసం'' అజిత్ కటౌట్.. కూలిపోయింది.. (వీడియో)

తమిళ స్టార్ హీరో అజిత్ నటించిన విశ్వాసం సినిమా గురువారం (జనవరి-10) ప్రపంచ వ్యాప్తంగా విడుదలైంది. సాధారణంగా స్టార్ హీరోల సినిమాలు విడుదలైతే అభిమానులు కటౌట్స్ పెట్టడం, పాలాభిషేకం చేయడం చేస్తుంటారు. ఇలా అజిత్ ఫ్యాన్స్ అజిత్ విశ్వాసం విడుదలను పురస్కరించుకుని భారీ కటౌట్ ఏర్పాటు చేశారు. కానీ ఆ కటౌట్‌ను కూలిపోవడంతో తీవ్రగాయాల పాలయ్యారు. ఈ ఘటన తమిళనాడు విల్లుపురం జిల్లాలో చోటుచేసుకుంది. 
 
దాదాపు ఏడాదిన్నర తర్వాత అజిత్ నటించే విశ్వాసం సినిమా కోసం విల్లుపురం ఫ్యాన్స్ భారీ కటౌట్స్ ఏర్పాటు చేశారు. విల్లుపురం జిల్లా, తిరుక్కోవిళూరులోని శ్రీనివాస థియేటర్లో అజిత్ కోసం భారీ కటౌట్‌ను ఏర్పాటు చేసి కటౌట్‌పైకెక్కి మాలలను వేశారు. పాలాభిషేకం చేశారు. అయితే ఉన్నట్టుండి కటౌట్ కూలిపోయింది. ఈ ప్రమాదంలో ఆరుగురు గాయాలకు గురైయ్యారు. 
 
వీరిలో ముగ్గురికి తీవ్రగాయాలయ్యాయని వీరికి పుదుచ్చేరి ఆస్పత్రిలో వైద్యం అందిస్తున్నట్లు వైద్యులు చెప్తున్నారు. పెద్ద హీరోల కోసం కటౌట్లు పెట్టడం హీరోలు వద్దంటున్నా.. ఫ్యాన్స్ మాత్రం వారి అభిమానానికి మాత్రం ఇలాంటి భారీ కటౌట్లు పెట్టడం చేస్తుంటారు. ఇలాంటి కటౌట్ల సంగతి ఓకే కానీ ఇందులో ఎంత ప్రమాదముందని గ్రహించాలి.