సిలిండర్ తీస్తున్నప్పుడు ఎలాంటి జాగ్రత్తలు పాటించాలి?
సిలిండర్ ఇంటికొస్తే స్లిప్, డబ్బు ఇచ్చేయడం వరకే చేస్తున్నారా? ఏదీ గమనించకుండా సిలిండర్‌ను ఇంట్లో దించేసుకుంటున్నారా? అయితే ఈ జాగ్రత్తలు పాటించండి. సిలిండర్ తీసుకునేటప్పుడు దాని బరువును ముందుగా గమనించాలి.
* వెయిట్ చాలా తక్కువగా ఉంటే బరువెంత ఉందో చెక్ చేసి తీసుకోండి.
* ఎక్స్‌పైరీ డేట్ చూసి సిలిండర్ దింపుకోండి.
* ఎక్స్‌పైరీ డేట్‌కు సంబంధించిన వివరాలు సిలిండర్‌ను చేతిలో పట్టుకునే ప్లేస్‌లో ఉంటాయి.
* ఇంగ్లీషులో ఎ, బి, సి, డి అనే అక్షరాలు లేదా రెండంకెల సంఖ్య ఉంటుంది. ఇవి నెలను సూచిస్తాయి. ఉదాహరణకు ఎ అనే అక్షరం వుంటే జనవరి నుంచి మార్చి వరకు (తొలి త్రైమాసికం) అనే అర్థం.
* బి అనే అక్షరం వుంటే ఏప్రిల్ నుంచి జూన్ వరకు, సి అంటే జూలై నుంచి సెప్టెంబర్ వరకు, డి అంటే అక్టోబర్ నుండి డిసెంబర్ వరకు త్రైమాసికాలను గుర్తిస్తుంది.
* సిలిండర్లో సి 14 అనే సంఖ్య ఉంటే 2014 సెప్టెంబర్ వరకు ఉపయోగించవచ్చునని అర్థం.
* ఇక సిలిండర్ సీల్‌ను తప్పకుండా చెక్ చేయాలి. సిలిండర్ సీల్ ప్యాక్ అయ్యిందా లేదా అనేది చూసుకోవాలి.
* రెగ్యులర్‌ను సరిచూసుకోవాలి. ఇందులో ఏదైనా సమస్య వుంటే గ్యాస్ లీకేజ్ అవుతుంది.
* అందుచేత కొత్త సిలిండర్ వచ్చిన వెంటనే సప్లై చేసే వారిచే రెగ్యులేటర్‌కు ఫిక్స్ చేసుకోవడం మంచిది.
* గ్యాస్ లీకేజ్ అయితే వెంటనే సప్లై చేసే వారి వద్దే రెగ్యులేటర్ ప్లస్ రబ్బర్ పైప్‌ను మార్చుకోవడం ఉత్తమం.
