Widgets Magazine

పవన్ కల్యాణ్‌ను నేను తిట్టలేదు... కేసీఆర్‌తో భేటీ ఎందుకయ్యాడు?: వీహెచ్

పవర్ స్టార్ పవన్ కల్యాణ్‌పై కాంగ్రెస్ సీనియర్ నేత వి హనుమంతరావు విమర్శలు గుప్పించారు. తెలంగాణ సీఎం కేసీఆర్‌లో ఏం చూసి పవన్ కల్యాణ్ ఆదర్శవంతుడని పొగిడారో చెప్పాలని వీహెచ్ డిమాండ్ చేశారు. వాస్తవం ఉంటే ప

pawan kalyan - kcr
selvi| Last Updated: సోమవారం, 15 జనవరి 2018 (13:07 IST)
పవర్ స్టార్ పవన్ కల్యాణ్‌పై కాంగ్రెస్ సీనియర్ నేత వి హనుమంతరావు విమర్శలు గుప్పించారు. తెలంగాణ సీఎం కేసీఆర్‌లో ఏం చూసి పవన్ కల్యాణ్ ఆదర్శవంతుడని పొగిడారో చెప్పాలని వీహెచ్ డిమాండ్ చేశారు. వాస్తవం ఉంటే పొగడాలని.. దాన్ని వదిలిపెట్టి పవన్‌ కేసీఆర్‌ను ఇంద్రుడు, దేవుడంటే ఎలా నమ్మాలని అడిగారు. డ్రగ్స్ కేసులో ఛార్జీషీట్‌ విడుదల చేయడంపై ఇన్ని రోజులు ఆగాలా అంటూ ప్రశ్నించారు.

కెల్విన్‌ను తప్పించేందుకే పవన్ వెళ్లి కేసీఆర్‌ను కలిశారని ఆరోపించారు. ఈ కేసులో ఎంతో మంది ప్రముఖులు ఉన్నారని సభర్వాల్ తనకు స్వయంగా చెప్పారని వీహెచ్ చెప్పుకొచ్చారు. పవన్ కల్యాణ్‌ను తాను తిట్టలేదని.. కేసీఆర్‌తో ఆయన భేటీ ఎందుకు కావాల్సి వచ్చిందని తెలిపారు.

గతంలో పవన్ కల్యాణ్ ఎవడో తనకు తెలియదని కేసీఆర్ అన్నారని.. ఇప్పుడెలా పరిచయం ఏర్పడిందో చెప్పాలని డిమాండ్ చేశారు. కెల్విన్‌పై చార్జ్ షీట్ వేయలేదని, అందుకే తనకు అనుమానం వచ్చిందని వీహెచ్ తెలిపారు.


దీనిపై మరింత చదవండి :