శుక్రవారం, 29 మార్చి 2024
  1. క్రీడలు
  2. క్రికెట్
  3. వార్తలు
Written By pnr
Last Updated : శుక్రవారం, 4 మే 2018 (16:58 IST)

మీరంతా తిరిగి నన్ను నమ్మేల నేను కృషి చేస్తా : స్టీవ్ స్మిత్

ఆస్ట్రేలియా క్రికెట్ జట్టు మాజీ కెప్టెన్ స్టీవ్ స్మిత్ తిరిగి ఆస్ట్రేలియాకు వచ్చేశాడు. బాల్ ట్యాంపరింగ్ కేసులో పట్టుపడి ఏకంగా జట్టుకు దూరం కావడమే కాకుండా, ఒక యేడాది పాటు నిషేధానికి లోనయ్యాడు. దీంతో ఆయ

ఆస్ట్రేలియా క్రికెట్ జట్టు మాజీ కెప్టెన్ స్టీవ్ స్మిత్ తిరిగి ఆస్ట్రేలియాకు వచ్చేశాడు. బాల్ ట్యాంపరింగ్ కేసులో పట్టుపడి ఏకంగా జట్టుకు దూరం కావడమే కాకుండా, ఒక యేడాది పాటు నిషేధానికి లోనయ్యాడు. దీంతో ఆయన విశ్రాంతి కోసం విదేశాలకు వెళ్లాడు. ఈ హాలిడే టూర్ ముగించుకుని తిరిగి స్వదేశానికి వచ్చాడు.
 
ఆ తర్వాత తన ఇన్‌స్టాగ్రామ్ ఖాతాలో తన స్పందన తెలియజేశాడు. 'తిరిగి స్వదేశం ఆస్ట్రేలియాకి రావడం చాలా సంతోషంగా ఉంది. బయట కొంత సమయం విశ్రాంతి నాకు దొరికింది. ఆ సమయంలో నా కోసం ఎన్నో ఈ-మొయిల్స్, లెటర్స్ వచ్చాయి. మీరు నాపై చూపించిన ప్రేమకు వినయపూర్వకంగా కృతజ్ఞతలు చెబుతున్నాను. మీకు నాపై తిరిగి నమ్మకం వచ్చేలా చేసేందుకు నేను కృషి చేస్తాను' అని వ్యాఖ్యానించాడు. 
 
కాగా, ఈ కేసులో స్మిత్‌తో పాటు మాజీ వైస్ కెప్టెన్ డేవిడ్ వార్నర్, ఓపెనర్ బ్యాట్స్‌మెన్ కెమారూన్ బాన్‌క్రాఫ్ట్‌ కూడా బాల్ ట్యాంపరింగ్ వివాదంలో చిక్కుకొని నిషేధం ఎదురుకుంటున్న విషయం తెల్సిందే. స్మిత్‌, వార్నర్‌లను క్రికెట్ ఆస్ట్రేలియా యేడాది పాటు నిషేధించగా.. బాన్‌క్రాఫ్ట్‌పై 9 నెలల పాటు నిషేధం విధించింది. ఈ ఘటనతో స్మిత్, వార్నర్‌లు ఇండియన్ ప్రీమియర్ లీగ్‌లో కోల్పోయే అవకాశాన్ని కూడా కోల్పోయారు.