Widgets Magazine

తమిళనాట రజనీకాంత్ కింగ్ మేకర్: ఏపీలో టీడీపీకి గడ్డుకాలం.. వైకాపా?

సూపర్ స్టార్ రజనీకాంత్ పేరు పెట్టని పార్టీ.. 2019 సార్వత్రిక ఎన్నికల్లో 23 ఎంపీ స్థానాలు గెలుచుకుంటుందని తాజా సర్వేలో తేలింది. ఫలితంగా తమిళనాట రజనీకాంత్ కింగ్ మేకర్ అవుతారని సర్వే తేల్చింది.

selvi| Last Updated: శనివారం, 20 జనవరి 2018 (13:46 IST)
సూపర్ స్టార్ రజనీకాంత్ పేరు పెట్టని పార్టీ.. 2019 సార్వత్రిక ఎన్నికల్లో 23 ఎంపీ స్థానాలు గెలుచుకుంటుందని తాజా సర్వేలో తేలింది. ఫలితంగా తమిళనాట రజనీకాంత్ కింగ్ మేకర్ అవుతారని సర్వే తేల్చింది.

రిపబ్లిక్ టీవీ, సీ ఓటర్ సంస్థలు తాజాగా నిర్వహించిన సర్వేలో... రజనీకాంత్ పార్టీ ప్రకటించి ఎన్నికల బరిలోకి దిగితే తమిళనాట మిగిలిన పార్టీలకు గట్టిపోటీని ఇస్తారని తేలింది. అలాగే దేశ రాజకీయాలపై కూడా రజనీకాంత్ ప్రభావం చూపుతారని రిపబ్లిక్, సీ ఓటర్ సంస్థలు వెల్లడించాయి.

ఇందులో భాగంగా తమిళ రాష్ట్రంలోని 39 స్థానాల్లో 28.3శాతం ఓట్లతో 14 స్థానాలు డీఎంకే కైవసం చేసుకుంటుందని.. 13.6 శాతం ఓట్లతో అన్నాడీఎంకే కేవలం రెండే స్థానాలు దక్కించుకుంటుందని తెలిపింది. కానీ సూపర్ స్టార్ రజనీ కాంత్ 33.7 శాతం ఓట్లతో 23 స్థానాలను గెలుచుకుని, బలమైన పార్టీగా నిలుస్తుందని సర్వేలు తేల్చాయి. కానీ, కాంగ్రెస్‌, బీజేపీలు కనీసం ఖాతా కూడా తెరవవని సీ ఓటర్ సంస్థలు నిర్వహించిన సర్వేలో తేలింది.

ఇక దేశంలో ఇప్పటికిప్పుడు ఎన్నికలు జరిగితే మోడీ నేతృత్వంలోని ఎన్డీఏ ప్రభుత్వాన్ని ఏర్పాటు చేస్తోందని సర్వేలు తేల్చాయి. కాంగ్రెస్ పార్టీ నేతృత్వంలోని యూపీఏ 89 చోట్ల విజయం సాధించనుందని తెలిసింది. గత ఏడాది చివరి వారంలో ఈ సర్వేను నిర్వహించారు.

అయితే ఆంధ్రప్రదేశ్‌లో అధికార టీడీపీకి వ్యతిరేక పవనాలు వీస్తున్నాయని సర్వే తేల్చింది. ఏపీలోని 25 ఏంపీ స్థానాల్లో వైసీపీ 13 స్థానాల్లో విజయం సాధించనుంది. టిడిపి 12 స్థానాల్లో విజయం సాధించనున్నట్టు ఈ సర్వే వెల్లడించింది.


దీనిపై మరింత చదవండి :