శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By selvi
Last Updated : సోమవారం, 11 డిశెంబరు 2017 (14:53 IST)

అందుకే మహానటిలో సావిత్రిగా సమంతకు బదులు కీర్తి సురేష్

అలనాటి నటి సావిత్రి జీవిత కథ ఆధారంగా మహానటి సినిమా తెరకెక్కుతోంది. వైజయంతీ మూవీస్ పతాకంపై ఈ సినిమా తెరకెక్కుతోంది. శరవేగంగా షూటింగ్ జరుపుకుంటున్న ఈ సినిమా ఫస్ట్ లుక్ పోస్టర్ ఇటీవలే విడుదలైంది. ఈ సినిమ

అలనాటి నటి సావిత్రి జీవిత కథ ఆధారంగా మహానటి సినిమా తెరకెక్కుతోంది. వైజయంతీ మూవీస్ పతాకంపై ఈ సినిమా తెరకెక్కుతోంది. శరవేగంగా షూటింగ్ జరుపుకుంటున్న ఈ సినిమా ఫస్ట్ లుక్ పోస్టర్ ఇటీవలే విడుదలైంది. ఈ సినిమాలో సావిత్రిగా కీర్తి సురేశ్ నటిస్తోంది. తెలుగు, తమిళ భాషల్లో ఒకేసారి తెరకెక్కుతున్న ఈ సినిమాకు ఎవడే సుబ్రమణ్యం ఫేమ్‌ నాగ అశ్విన్ దర్శకత్వం వహిస్తున్నారు.
 
మోహన్ బాబు, క్రిష్, తరుణ్ భాస్కర్, దుల్కర్ సల్మాన్, విజయ్ దేవరకొండ, సమంత, షాలిని పాండే, భానుప్రియ వంటి భారీ తారాగణంతో ఈ సినిమా విడుదలకు సిద్ధమవుతుంది. ఈ నేపథ్యంలో ఈ సినిమా గురించి నిర్మాత స్వప్నదత్ మాట్లాడుతూ.. ఈ సినిమాలో టైటిల్ పాత్రకు సమంత అయితే బాగుంటుందని భావించామని తెలిపారు. 
 
ఈ క్రమంలోనే సమంతను కూడా ఎంపిక చేశామన్నారు. ఆ తర్వాత సావిత్రి పాత్రకు కొత్త అమ్మాయితో చేయిస్తే బాగుంటుందని భావించి.. కీర్తి సురేష్‌ను తీసుకున్నామన్నారు. సావిత్రి జీవితానికి సంబంధించిన పూర్తి వివరాలను, ఆమె కూతురు విజయ చాముండేశ్వరి దగ్గర నుంచి సేకరించామని స్వప్నదత్ తెలిపారు. సావిత్రికి ముందు కీర్తి సురేష్ పాపులర్ కాకపోయినా.. సావిత్రిలో నటించేందుకు గ్రీన్ సిగ్నల్ ఇవ్వగానే కీర్తికి మంచిపేరు వచ్చిందని స్వప్నదత్ వెల్లడించారు.