సమంత క్రేజ్ ఓ రేంజ్‌లో ఉంది...?
సరైన హిట్ లేక కెరీర్‌లో ఒడిదుడుకులు ఎదుర్కొంటున్న నాగచైతన్యకు మజిలీ రూపంలో భారీ హిట్ వచ్చింది. ఈ హిట్‌లో సగం క్రెడిట్ సమంతకే చెందుతుంది అనడంలో సందేహం లేదు. సమంత క్యారెక్టరైజేషన్ అద్భుతంగా ఉండటం వల్ల ఆ సినిమా అంతపెద్ద హిట్ అయింది. ఈ సినిమాలో నాగచైతన్య కూడా అద్భుతమైన నటన కనబరిచాడు.
మజిలీ సినిమా హిట్టైన తరువాత చిత్ర బృందం సక్సెస్ మీట్ నిర్వహించిన సంగతి తెలిసిందే. ఆ సక్సెస్ మీట్‌లో సమంత స్పెషల్ ఎట్రాక్షన్‌గా నిలిచింది. అయితే ఇప్పుడు ప్రేక్షకులకు మరోసారి థాంక్స్ చెప్పేందుకు చిత్ర బృందం స్పెషల్ ప్రెస్ మీట్ ఏర్పాటు చేశారు. ఈ ప్రెస్ మీట్‌కు సమంత రాకపోవడంతో సర్వత్రా ఇదే చర్చనీయాంశంగా మారింది. ఇదివరకు జరిగిన ప్రెస్ మీట్‌కు సమంత వచ్చింది కాబట్టి ఈసారి సెకండ్ హీరోయిన్ దివ్యాన్షను పిలిచినట్లు వార్తలు వచ్చాయి. అయితే అటు స్పీచ్‌లో కూడా సమంత ప్రస్తావన రాకపోవడంతో అందరూ సమంత గురించే మాట్లాడుతున్నారు. మొత్తానికి సమంత హాజరు కాకున్నా తన గురించి మాట్లాడుకునే విధంగా చేసి వార్తల్లో నిలిచింది.
