Widgets Magazine

ఆ ముదురు హీరోకు బ్యాడ్‌టైమ్... మూవీలన్నీ ఆగిపోతున్నాయ్..

విక్ట‌రీ వెంక‌టేష్ "గురు" సినిమా రిలీజ్ అవ్వ‌డం..విజ‌యం సాధించ‌డం జ‌రిగి చాలా రోజులైంది. ఆత‌ర్వాత 'రాజు గారి గ‌ది 2'లో న‌టించాలి అనుకున్నాడు. ఓంకార్‌తో సినిమా చేసేందుకు ఓకే చెప్పాడు.

venkatesh
srinivas| Last Updated: గురువారం, 12 ఏప్రియల్ 2018 (09:25 IST)
విక్ట‌రీ వెంక‌టేష్ "గురు" సినిమా రిలీజ్ అవ్వ‌డం..విజ‌యం సాధించ‌డం జ‌రిగి చాలా రోజులైంది. ఆత‌ర్వాత 'రాజు గారి గ‌ది 2'లో న‌టించాలి అనుకున్నాడు. ఓంకార్‌తో సినిమా చేసేందుకు ఓకే చెప్పాడు. ఏమైందో ఏమో ఈ సినిమా నుంచి త‌ప్పుకున్నాడు. ఆ త‌ర్వాత క్రిష్‌తో వెంకీ ఓ సినిమా చేయాల‌నుకున్నాడు. కథాచ‌ర్చ‌లు జ‌ర‌గ‌డం... బ‌డ్జెట్ ప్లాన్ అంతా బాగానే జ‌రిగింది. క‌థపై హ‌క్కులు వేరే వాళ్ల ద‌గ్గ‌ర ఉండ‌డంతో ఈ ప్రాజెక్ట్ ఆగిపోయింది.
 
ఆ త‌ర్వాత పూరితో "జ‌న‌గ‌న‌మ‌ణ" సినిమా చేయాల‌నుకున్నాడు. కాక‌పోతే ఈ ప్రాజెక్టుకి భారీ బ‌డ్జెట్ అవ‌స‌రం. వెంకీతో అంత బ‌డ్జెట్ వ‌ర్క‌వుట్ కాద‌నే ఉద్దేశ్యంతో ఈ ప్రాజెక్ట్ కూడా సెట్స్‌పైకి వెళ్ల‌కుండానే రద్దు చేశాడు. ఇటీవ‌ల తేజ‌తో వెంకీ ఓ సినిమా చేయాల‌నుకున్నాడు. ఈ సినిమా కోసం కొత్త‌వాళ్ల‌ను కొంత‌మందిని ఎంపిక చేశారు కూడా. రామానాయుడు స్టూడియోలో ప్రారంభోత్స‌వం జరిగింది.
 
ఆ తర్వాత ఏమైందో ఏమో ఈ ప్రాజెక్ట్ కూడా ఆగిపోయింది. ఇలా.. వెంకీ ఏ సినిమా చేద్దామ‌న్నా... ఏదో కార‌ణంతో ఆగిపోతుంది. ప్ర‌స్తుతం నాగ‌చైతన్య‌తో క‌లిసి ఓ సినిమా, వ‌రుణ్ తేజ్ క‌లిసి ఓ సినిమా చేయాల‌నుకుంటున్నాడు వెంకీ. మ‌రి.. ఈ సినిమాలైనా సెట్స్‌పైకి వెళ‌తాయో లేదో చూడాలి. 


దీనిపై మరింత చదవండి :