Widgets Magazine

"పద్మావత్‌"కు మళ్లీ బ్రేకులు... గుజ‌రాత్‌, మ‌ధ్య‌ప్ర‌దేశ్ బాట‌లో హ‌ర్యానా...

బాలీవుడ్ చిత్రం పద్మావత్‌కు మళ్లీ చిక్కులు తప్పేలాలేవు. ఈ చిత్రం విడుదలకు కేంద్ర సెన్సార్ బోర్డు గ్రీన్ సిగ్నల్ ఇచ్చినప్పటికీ బీజేపీ పాలిత రాష్ట్రాలు మాత్రం మోకాలొడ్డుతున్నాయి. ఫలితంగా ఈ చిత్రం విడుదల

padmavat
pnr| Last Updated: మంగళవారం, 16 జనవరి 2018 (17:24 IST)
బాలీవుడ్ చిత్రం పద్మావత్‌కు మళ్లీ చిక్కులు తప్పేలాలేవు. ఈ చిత్రం విడుదలకు కేంద్ర సెన్సార్ బోర్డు గ్రీన్ సిగ్నల్ ఇచ్చినప్పటికీ బీజేపీ పాలిత రాష్ట్రాలు మాత్రం మోకాలొడ్డుతున్నాయి. ఫలితంగా ఈ చిత్రం విడుదల మరోమారు చర్చనీయాంశంగా మారింది.

బాలీవుడ్ దర్శకదిగ్గజం సంజయ్ లీలా భన్సాలీ అత్యంత ప్రతిష్టాత్మకంగా భావించి ఈ చిత్రాన్ని తెరకెక్కించారు. ఇందులో బాలీవుడ్ నటి దీపికా పదుకొనే, రణ్‌వీర్ సింగ్, షాహిద్ కపూర్‌లు ప్రధాన పాత్రలుగా నటించారు.

ఈ చిత్రం డిసెంబర్ ఒకటో తేదీన రిలీజ్ కావాల్సి వుంది. అయితే, రెండు రాష్ట్రాల ప్రభుత్వాలతో పాటు.. రాజ్‌పుత్ కర్ణిసేన ప్రతినిధులు హెచ్చరికల నేపథ్యంలో చిత్రాన్ని విడుదల నిలిపివేశారు. ఈ నేపథ్యంలో ఈ చిత్రం టైటిల్‌ను 'ప‌ద్మావ‌త్'గా మార్చి చిత్రం విడుద‌ల‌కు సీబీఎఫ్‌సీ మార్గం సుగ‌మం చేసింది.

అయిన‌ప్ప‌టికీ, వివిధ రాష్ట్రాల ప్ర‌భుత్వాలు మాత్రం ఆ చిత్రాన్ని విడుద‌ల చేసేందుకు సుముఖంగా లేవు. ఈ సినిమా విడుద‌ల‌పై రాజ్‌పుత్ వ‌ర్గాల నుంచి వ్య‌తిరేక‌త ఉన్న దృష్ట్యా ఇప్ప‌టికే గుజ‌రాత్‌, రాజ‌స్థాన్‌, మ‌ధ్య‌ప్ర‌దేశ్ రాష్ట్రాలు 'పద్మావ‌త్' చిత్రం విడుద‌ల‌ను నిషేధించిన సంగ‌తి తెలిసిందే. ఇప్పుడు ఇదే బాట‌లో హ‌ర్యానా రాష్ట్రం కూడా ప‌ద్మావ‌త్ విడుద‌ల‌ను నిషేధించింది.


దీనిపై మరింత చదవండి :