శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : శుక్రవారం, 16 ఫిబ్రవరి 2018 (15:21 IST)

'ఇంట‌ర్ పాస్అయి డిగ్రీకి వెళ్తున్న ఫీలింగ్' : తొలిప్రేమ యూనిట్

మెగా హీరో వరుణ్ తేజ్, రాశీఖన్నా జంటగా నటించిన చిత్రం "తొలిప్రేమ". ఈ చిత్రానికి వెంకీ అట్లూరి ద‌ర్శక‌త్వం వహించగా, బి.వి.ఎస్.ఎన్ ప్రసాద్ నిర్మించారు. తన బాబాయ్ పవన్ కల్యాణ్ నటించిన 'తొలిప్రేమ' టైటిల్‌న

మెగా హీరో వరుణ్ తేజ్, రాశీఖన్నా జంటగా నటించిన చిత్రం "తొలిప్రేమ". ఈ చిత్రానికి వెంకీ అట్లూరి ద‌ర్శక‌త్వం వహించగా, బి.వి.ఎస్.ఎన్ ప్రసాద్ నిర్మించారు. తన బాబాయ్ పవన్ కల్యాణ్ నటించిన 'తొలిప్రేమ' టైటిల్‌ను ఇపుడు వరుణ్ తేజే వాడేసుకున్నాడు. అయితే, ఈ చిత్రం ఇటీవ‌ల విడుద‌లై ఘ‌న విజ‌యం సాధించిన సంగ‌తి తెలిసిందే. 
 
ఈ సందర్భంగా మెగాస్టార్ చిరంజీవి చిత్ర యూనిట్‌ సభ్యులను అభినందించేందుకు శుక్రవారం తన ఇంటికి ప్రత్యేకంగా ఆహ్వానించారు. దీంతో హీరో వరుణ్ తేజ్‌తో పాటు ద‌ర్శకుడు వెంకీ, నిర్మాత వి.వి.ఎస్.ఎన్ ప్రసాద్, బాపినీడు, యూనిట్‌ ఇతర సభ్యులు చిరంజీవి ఇంటికి వెళ్లగా, వారిని చిరంజీవి ప్రత్యేకంగా అభినందించారు. 
 
ఈ సందర్భంగా హీరో వరుణ్ తేజ్ మాట్లాడుతూ, 'నాకు యాక్టర్ అవ్వాల‌న్న ఆలోచ‌న చిరంజీవిగారిని చూసే వ‌చ్చింది. ఈ రోజు డాడి వ‌చ్చి మంచి మాట‌లు చెబుతుంటే చాలా సంతోషంగా, ఆనందంగా ఉంది' అంటూ వ్యాఖ్యానించారు. 
 
ఆ తర్వాత చిత్ర సంగీత దర్శకుడు థమన్ మాట్లాడుతూ, నిజానికి నేను సంగీత దర్శకుడు కాకముందు నుంచే 'నేను చిరంజీవి గారికి పెద్ద ఫ్యాన్‌ని. ఆయ‌న మ‌మ్మల్ని గుర్తించి పిలిపించి.... ప్రశంసించ‌డం మాకు చాలా ఆనందాన్నిస్తోంది. మరోలా చెప్పాలంటే ఇంట‌ర్ పాస్అయి డిగ్రీకి వెళ్లున్న ఫీలింగ్ కలుగుతుంది' అని అన్నారు.