జైలులో అస్వస్థతకు గురైన చంద్రబాబు.. అలర్జీ.. చికిత్స?
టీడీపీ అధినేత చంద్రబాబు జైలులో అస్వస్థతకు లోనయ్యారు. స్కిల్ డెవలప్‌మెంట్ కేసులో రాజమండ్రి సెంట్రల్ జైలులో జ్యుడిషియల్ రిమాండ్ ఖైదీగా ఉన్న చంద్రబాబు స్కిన్ అలెర్జీతో బాధపడుతున్నారు.
గత కొన్నిరోజులుగా విపరీతమైన ఉక్కపోత, వేడిమి నెలకొని ఉండడంతో... జైలులో చంద్రబాబు డీహైడ్రేషన్ తో బాధపడుతున్నారు. అధిక వేడిమితో ఆయన అలర్జీకి గురయ్యారు.
ఈ నేపథ్యంలో, జైలు అధికారులు రాజమండ్రి ప్రభుత్వ ఆసుపత్రి వర్గాలకు సమాచారం అందించారు. దాంతో, చంద్రబాబు ఆరోగ్య పరిస్థితిని పరిశీలించేందుకు వైద్యులు జైలులోకి వెళ్లారు.
మరోవైపు చంద్రబాబు పరిస్థితిని చూసి టీడీపీ నేతలు వైఎస్సార్ కాంగ్రెస్ ప్రభుత్వాన్ని ఏకిపారేస్తున్నారు. స్కిల్ డెవలప్‌మెంట్ కేసులో అరెస్టైన తమ పార్టీ అధినేత చంద్రబాబును జైల్లోనే ఉంచి ఎన్నికలకు వెళ్లాలని ముఖ్యమంత్రి జగన్ భావిస్తున్నారని టీడీపీ నేత, ఎమ్మెల్యే చినరాజప్ప మండిపడ్డారు. అందుకే ఆయనకు బెయిల్ రాకుండా చేస్తున్నారని ఫైర్ అయ్యారు.
అలాగే టీడీపీ జాతీయ ప్రధాన కార్యదర్శి నారా లోకేశ్ సీఎం జగన్‌పై మండిపడ్డారు. నాలుగున్నరేళ్లుగా దోచుకోవడం, దాచుకోవడం, దాడులు చేయడం తప్పించి చేసిన అభివృద్ధి శూన్యం అని నారా లోకేష్ పేర్కొన్నారు.
సీఎంగా చేసిన మంచి పని ఒక్కటీ లేదని తెలిపారు. అసలే సైకో అయిన జగన్‌కు అధికార మదం ఎక్కిందని, ఫ్రస్ట్రేషన్ పీక్స్‌కి చేరి పిచ్చిగా వాగుతున్నాడని వివరించారు.
