Telugu News

ఆంధ్రప్రదేశ్‌లో జరిగిన ఎంపీటీసీ, జెడ్పీటీసీ ఎన్నికల్లో, వైఎస్ఆర్ కడప జిల్లాలో తెలుగుదేశం పార్టీ కీలక విజయాలను నమోదు చేసింది. ముఖ్యంగా పులివెందుల, మైదుకూరు జెడ్పీటీసీ స్థానాలను ఆ పార్టీ కైవసం చేసుకుంది. మాజీ ముఖ్యమంత్రి, వైఎస్ఆర్సీపీ అధ్యక్షుడు వైఎస్ జగన్ మోహన్ రెడ్డి సొంత నియోజకవర్గమైన పులివెందులలో టీడీపీ విజయం సాధించడం రాజకీయ వర్గాల్లో చర్చనీయాంశమైంది.

దీపాల పండుగ అయిన దీపావళిని చాలా మంది కేవలం వేడుకకు సంబంధించిన రోజుగానే భావిస్తారు. కానీ దీపావళి పండుగ మన ఇంట్లోనూ, జీవితంలోనూ సంతోషాన్ని, మంగళాన్ని, సంపదను శాశ్వతంగా ఉండేలా చేసే అద్భుతమైన పర్వదినం. ఇది మహాలక్ష్మి అనుగ్రహాన్ని పొందే రోజుగా భావిస్తారు. ఈ రోజున తెలియకుండా ఈ తప్పులను చేయకూడదు. దీపావళి పండుగ అనేది మన ఇంట్లోనూ, జీవితంలోనూ ఉన్న అజ్ఞానం, దుఃఖం అనే చీకటిని తొలగించి, మేలు, సంతోషం, అభివృద్ధి, సంపద వంటి వాటిని ప్రసాదించేందుకు ప్రత్యేకమైన రోజుగా భావిస్తారు. శ్రీ లక్ష్మీదేవి అనుగ్రహాన్ని పొందడానికి శక్తివంతమైన రోజుగా దీపావళి రోజును భావిస్తారు. అందువల్ల ఈ రోజున చేసే పూజలు, దానధర్మాలు, పూజా కార్యక్రమాలు మనకు ఎంతో గొప్ప ఫలితాలను, పుణ్యఫలాలను ప్రసాదిస్తాయని నమ్మకం.

కిడ్నీలకు ఒక ప్రత్యేకత ఉంది. మూత్రపిండాల పనితీరు 60 శాతం నుండి 80-90 శాతం వరకు క్షీణించే వరకు శరీరంలో ఎలాంటి బయటి లక్షణాలు కనిపించకపోవచ్చు. అందుకే దీర్ఘకాలిక మూత్రపిండాల వ్యాధిని "సైలెంట్ కిల్లర్" అంటారు. మన మూత్రపిండాలలో మిలియన్ల కొద్దీ ఉండే 'నెఫ్రాన్లు' దెబ్బతింటున్నప్పుడు, మిగిలిన నెఫ్రాన్లు అధనపు భారాన్ని మోస్తూ శరీరాన్ని సాధారణంగా ఉంచడానికి ప్రయత్నిస్తాయి. కానీ కిడ్నీల సామర్థ్యం 90-95 శాతం వరకు పడిపోయినప్పుడు మాత్రమే శరీరంపై తీవ్రమైన బయటి లక్షణాలు వ్యక్తమవుతాయి.

కర్ణాటకలోని మాండ్యలో విషాదకర ఘటన జరిగింది. రైలు కింద పడి వివాహిత, ఆమె ప్రియుడు ఆత్మహత్య చేసుకున్నారు. ఈ ఘటన మాండ్యలోని వీహెచ్ ఫామ్ రైల్వే గేటు సమీపంలో జరిగింది. ఎనిమిదేళ్ల క్రితం సహన (25) అనే మహిళ, ఆటో డ్రైవర్ వీరేశ్‌ను ప్రేమించి వివాహం చేసుకుంది. బెంగళూరులోని మదనాయకనహళ్లిలో నివసిస్తున్న ఈ దంపతులకు ఆరేళ్ల కుమార్తె, రెండేళ్ల కుమారుడు ఉన్నారు.

ఇటీవలే థియేట్రికల్ రిలీజ్ కు వచ్చి ప్రేక్షకులు థ్రిల్లింగ్ సినిమాటిక్ ఎక్సిపీరియన్స్ ఇచ్చింది "కిల్లర్" మూవీ. ఈ సినిమాకు చేసిన కోటి రూపాయల కాంటెస్ట్ ప్రమోషన్ హ్యూజ్ రెస్పాన్స్ తెచ్చుకుంది. సినిమా సెకండాఫ్ ట్విస్ట్ చెప్పిన వారికి కోటి రూపాయల బహుమతి ఇస్తామంటూ మేకర్స్ ప్రకటించారు. సినిమా రిలీజై సక్సెస్ అయిన నేపథ్యంలో ఈ కోటి రూపాయల కాంటెస్ట్ గురించి వివరాలు తెలిపారు యాక్టర్, ప్రొడ్యూసర్, డైరెక్టర్ పూర్వాజ్, హీరోయిన్ జ్యోతి పూర్వజ్.

లెనోవా కంపెనీ అయిన మోటరోలా, ప్రీమియం డిజైన్, అధునాతన కెమెరా టెక్నాలజీ, ఆర్టిఫిషియల్ ఇంటెలిజెన్స్ (ఏఐ) సామర్థ్యాలు, మెరుగైన పనితీరును మిళితం చేస్తూ, ఇప్పటివరకు తన అత్యంత అధునాతన ఫ్లాగ్‌షిప్ స్మార్ట్‌ఫోన్ అయిన మోటరోలా సిగ్నేచర్ 27ను ఆవిష్కరించింది. ఈ స్మార్ట్‌ఫోన్‌లో 200ఎంపీ పెరిస్కోప్ టెలిఫోటో కెమెరా, 50ఎంపీ సోనీ లైటియా ప్రధాన కెమెరా, 50ఎంపీ అల్ట్రా-వైడ్ కెమెరా ఉన్నాయి. కంపెనీ ప్రకారం, దీని కెమెరా సిస్టమ్ ఇమేజింగ్ పనితీరుకు గాను DXOMARK గోల్డ్ లేబుల్‌ను పొందింది. స్మార్ట్‌ఫోన్‌లలోనే మొట్టమొదటిదిగా వర్ణించబడిన ప్రత్యేకమైన ఈవీఎస్ యాక్షన్ సెన్సార్, వేగంగా కదిలే వస్తువులను మరింత స్పష్టంగా చిత్రీకరించడానికి రూపొందించబడింది.