మేషం: అశ్విని, భరణి 1,2,3,4 పాదాలు, కృత్తిక 1వ పాదం శుభకార్యాన్ని ఆర్భాటంగా చేస్తారు. ప్రముఖుల రాక సంతోషం కలిగిస్తుంది. కానుకలు ఇచ్చిపుచ్చుకుంటారు. ఊహించిన ఖర్చులే ఉంటాయి. నిలిచిపోయిన పనులు పూర్తి చేస్తారు. పరిచయాలు, బంధుత్వాలు బలపడతాయి. అందరితోనూ మితంగా మాట్లాడండి. ముఖ్యమైన పత్రాలు అందుకుంటారు. బుధవారం నాడు ఒక సంఘటన ఆలోచింపజేస్తుంది. సోదరులతో సంప్రదింపులు జరుపుతారు. ఎదుటివారి అభిప్రాయాలకు ప్రాధాన్యం ఇవ్వండి. ఒంటెద్దు పోకడ తగదు. ఆరోగ్యం సంతృప్తికరం. మీ సాయంతో ఒకరికి మంచి జరుగుతుంది. వ్యాపారాలు ఊపందుకుంటాయి. ఆటుపోట్లను అధిగమిస్తారు. ఉమ్మడిగా కంటే సొంత వ్యాపారాలే శ్రేయస్కరం. ఉద్యోగ బాధ్యతలను సమర్థంగా నిర్వహిస్తారు. అధికారులకు హోదా మార్పు, స్థానచలనం. పంచాలు, బెట్టింగుల జోలికి పోవద్దు.