తుల: చిత్త 3, 4 పాదాలు, స్వాతి, విశాఖ 1, 2, 3 పాదాలు కీలక అంశాలపై పట్టు సాధిస్తారు. మీ మాటకు సర్వత్రా ఆమోదం లభిస్తుంది. ప్రముఖులకు సన్నిహితులవుతారు. ఆదాయం బాగుంటుంది. విలాసాలకు విపరీతంగా వ్యయం చేస్తారు. వాహనం కొనుగోలు చేయాలనే కోరిక నెరవేరుతుంది. సోమవారం నాడు పనులు, బాధ్యతలు స్వయంగా చూసుకోండి. ఇతరులపై ఆధారపడవద్దు. భార్యాభర్తల మధ్య అవగాహన నెలకొంటుంది. స్నేహసంబంధాలు బలపడతాయి. ఎదురుచూస్తున్న పత్రాలు అందుతాయి. గృహమార్పు అనివార్యం. విలువైన వస్తువులు జాగ్రత్త. ఆరోగ్యం నిలకడగా ఉంటుంది. మీ సాయంతో ఒకరికి మేలు జరుగుతుంది. వస్త్ర, ఫ్యాన్సీ, పచారీ వ్యాపారాలు ఊపందుకుంటాయి. వృత్తి, ఉపాధి పథకాల్లో నిలదొక్కుకుంటారు. ఉద్యోగస్తులకు యూనియన్లో గుర్తింపు లభిస్తుంది. దైవదర్శనాల్లో అవస్థలు ఎదుర్కుంటారు.