సింహం: మఖ, పుబ్బ, ఉత్తర 1వ పాదం ఈ వారం అన్ని విధాలా అనుకూలదాయకం. గత కొంత కాలంగా వేధిస్తున్న సమస్యల నుంచి విముక్తులవుతారు. ఖర్చులు అధికం, ప్రయోజనకరం. కొంతమొత్తం పొదుపు చేయగలుగుతారు. ధనసహాయం చేయడం తగదు. మీ ఇబ్బందులను లౌక్యంగా తెలియజేయండి. ఎవరినీ నొప్పించవద్దు. భార్యాభర్తల మధ్య అన్యోన్యత నెలకొంటుంది. కొత్త యత్నాలకు శ్రీకారం చుడతారు. ఆప్తుల నుంచి ప్రోత్సాహం ఉంటుంది. ప్రభుత్వ కార్యాలయాల్లో పనులు అనుకూలమవుతాయి. మధ్యవర్తిత్వాలు, హామీల జోలికి పోవద్దు. కొన్ని విషయాలను చూసీచూడనట్లు వదిలేయండి. ఆహ్వానం అందుకుంటారు. తెగిపోయిన బంధుత్వాలు బలపడతాయి. సంతానం అత్యుత్సాహాన్ని అదుపు చేయండి. పెట్టుబడులకు అనుకూలం. వృత్తి వ్యాపారాల్లో పురోభివృద్ధి సాధిస్తారు. అధికారులకు స్థానచలనం, ఉద్యోగస్తులకు పనిభారం.