కర్కాటకం: పునర్వసు 4వ పాదం, పుష్యమి, ఆశ్లేష వ్యవహార జయం, ధనలాభం ఉన్నాయి. ఆదాయానికి తగ్గట్టుగా ఖర్చులు ఉంటాయి. పొదుపునకు అవకాశం లేదు. ప్రభుత్వ కార్యాలయాల్లో పనులు జరుగుతాయి. భార్యాభర్తల మధ్య అన్యోన్యత నెలకొంటుంది. దాంపత్య సౌఖ్యం పొందుతారు. శుక్రవారం నాడు మధ్యవర్తిత్వాలు, హామీలు తగదు. మీ అభిప్రాయాలను సున్నితంగా తెలియజేయండి. సంస్థల స్థాపనలకు అనుకూలం. తెగిపోయిన స్నేహసంబంధాలు బలపడతాయి. ఆరోగ్యం బాగుంటుంది. ఆత్మీయులతో ఉల్లాసంగా గడుపుతారు. గృహం సందడిగా ఉంటుంది. చిన్ననాటి ఉపాధ్యాయులను కలుసుకుంటారు. వ్యాపారాలు ప్రోత్సాహకరంగా సాగుతాయి. చిరువ్యాపారులకు ఫర్వాలేదనిపిస్తుంది. ఉద్యోగ బాధ్యతల్లో తప్పిదాలు సరిదిద్దుకుంటారు. ప్రైవేటు ఉద్యోగస్తులకు పనిభారం. పుణ్యక్షేత్రాలు సందర్శిస్తారు. ప్రయాణంలో జాగ్రత్త.