మకరం: ఉత్తరాషాఢ 2, 3, 4 పాదాలు, శ్రవణం, ధనిష్ఠ 1, 2 పాదాలు అన్ని రంగాల వారికీ యోగదాయకమే. స్థిరచరాస్తుల ద్వారా ధనం అందుతుంది. ఆర్థికంగా నిలదొక్కుకుంటారు. ఖర్చులు భారమనిపించవు. పనులు వేగవంతమవుతాయి. ప్రముఖులకు సన్నిహితులవుతారు. సభ్యత్వాలు, పదవుల స్వీకరణకు అనుకూలం. అందరితోనూ కలుపుగోలుగా మెలగండి, బంధుమిత్రుల రాకపోకలు అధికమవుతాయి. గృహం సందడిగా ఉంటుంది. కనిపించకుండా పోయిన వస్తువులు లభ్యమవుతాయి. ఆందోళన కలిగించిన సమస్య సద్దుమణుగుతుంది. భార్యాభర్తల మధ్య అన్యోన్యత నెలకొంటుంది. శుక్రవారం నాడు అవగాహన లేని విషయాల్లో జోక్యం తగదు. వ్యాపారాలు ప్రోత్సాహకరంగా సాగుతాయి. ఉమ్మడిగా కంటే సొంత వ్యాపారాలే శ్రేయస్కరం. ఉద్యోగస్తుల కార్యక్రమాలు యథావిధిగా సాగుతాయి. వృత్తుల వారికి బాగుంటుంది. ప్రయాణం తలపెడతారు.