వృషభం: కృత్తిక 2, 3, 4 పాదాలు, రోహిణి, మృగశిర 1, 2 పాదాలు సంప్రదింపులు నిరుత్సాహపరుస్తాయి. ఏ విషయంపైనా ఆసక్తి ఉండదు. చేసిన పనులే తిరిగి చేయవలసి వస్తుంది. మీపై గ్రహాల ప్రభావం అధికం. ఖర్చులు అంచనాలను మించుతాయి. అవసరాలు వాయిదా వేసుకుంటారు. ముఖ్యమైన చెల్లింపుల్లో జాప్యం తగదు. మంగళవారం నాడు అప్రమత్తంగా ఉండాలి. ఫోన్ సందేశాలను పట్టించుకోవద్దు. కొన్ని విషయాలను చూసీచూడనట్లు వదిలేయండి. భార్యాభర్తల మధ్య అకారణ కలహం. బంధుమిత్రులతో పట్టింపులు ఎదుర్కుంటారు. ఆరోగ్యం పట్ల శ్రద్ధ వహించండి. ఏ విషయాన్నీ సమస్యగా అనుకోవద్దు. త్వరలో పరిస్థితులు మెరుగుపడతాయి. కొందరి రాక ఇబ్బంది కలిగిస్తుంది. కార్యక్రమాలు ముందుకు సాగవు. వ్యాపారాల్లో లాభనష్టాలు సమీక్షించుకుంటారు. ఉద్యోగులు, ఉపాధ్యాయులకు కొత్త బాధ్యతలు. ఉపాధి పథకాలు అంతంతమాత్రంగా సాగుతాయి. వృత్తుల వారికి సామాన్యం. ఆశావహ దృక్పథంతో మెలగండి. దైవదర్శనాల్లో అవస్థలు ఎదుర్కుంటారు.