లోకేష్ ఇక కుప్పం నీదే... చంద్రబాబు
తెలుగుదేశం పార్టీకి కంచుకోట కుప్పం నియోజవర్గం. ఎమ్మెల్యేగా అత్యధిక మెజారిటీతో చంద్రబాబు గెలుస్తూనే వస్తున్నారు. ఆయన ముఖ్యమంత్రి కావడానికి కుప్పం నియోజకవర్గమే ప్రధాన కారణం.
తెలుగుదేశం పార్టీకి కంచుకోట కుప్పం నియోజవర్గం. ఎమ్మెల్యేగా అత్యధిక మెజారిటీతో చంద్రబాబు గెలుస్తూనే వస్తున్నారు. ఆయన ముఖ్యమంత్రి కావడానికి కుప్పం నియోజకవర్గమే ప్రధాన కారణం. ఇప్పటికే ఐదుసార్లు ఎమ్మెల్యేగా చంద్రబాబునాయుడు ఇక్కడి నుంచే గెలుపొందాడు. కుప్పం ప్రజలకు బాబు అంటే చాలా ఇష్టం. ఆయన నియోజవర్గంలో చేసిన అభివృద్ధి కార్యక్రమాలంటే ఇంకా ఇష్టం. అందుకే చంద్రబాబుకు ఎప్పుడు ఎన్నికల జరిగినా కుప్పం నుంచి భారీ మెజారిటీతోనే గెలుస్తుంటారు. అయితే ఈసారి ఆ ఛాన్సును తన కుమారుడు నారాలోకేష్‌ కు ఇవ్వనున్నారట బాబు. ఇప్పటికే ఒక ఆ నిర్ణయాన్ని లోకేష్ కూడా చెప్పారట బాబు. ఇక నుంచి కుప్పం నియోజవర్గంలో అభివృద్థి కార్యక్రమాలపై ప్రత్యేక శ్రద్థ పెట్టాలని సూచించారట.
ఇప్పటికే ప్రత్యక్ష రాజకీయాల్లో పోటీ చేయాలని లోకేష్ ఉత్సాహంగా ఉన్నారు. ఈసారి ఎమ్మెల్యేగానో, ఎంపీగానో పోటీ చేయాలన్నది ఆయన ఆలోచన. అందుకే బాబు ఈ నిర్ణయం తీసేసుకున్నారట. కుప్పంలో అయితే నారా లోకేష్ విజయం సులువు అవుతుందని బాబు ఆలోచన. నారా కుటుంబంలో ఎవరైనా సరే ఆదరించేందుకు కుప్పం ప్రజలకు సిద్ధంగా ఉన్నారని రాజకీయ విశ్లేషకులు భావిస్తున్నారు. ముందస్తు ఎన్నికలు జరుగనున్న నేపథ్యంలో నారా లోకేష్‌‌కు కుప్పం ఒక్కటే సరైన ప్రాంతమని నారా కుటుంబం మొత్తం ఒక నిర్ణయానికే వచ్చేసిందట. అయితే లోకేష్ కుప్పం నుంచి పోటీ చేస్తే చంద్రబాబునాయుడు ఎక్కడి నుంచి పోటీ చేస్తారన్నది ప్రశ్నార్థకంగా మారింది.
