సంబంధిత వార్తలు
- Kabaddi : కబడ్డీ ఆడుతూ... 26 ఏళ్ల వ్యక్తి ఛాతి నొప్పితో కుప్పకూలిపోయాడు.. చివరికి?
- స్కూలుకు వెళ్లే ఉపాధ్యాయుడిని కిడ్నాప్ చేసి కట్టేసి పెళ్లి చేసేసారు (video)
- గూగుల్ మ్యాప్స్ వాడుతున్నారా ? అయితే ఈ విషయాలు మీరు గమనించాల్సిందే...
- OpenAI: ఓపెన్ఏఐ విజిల్బ్లోయర్ సుచిర్ బాలాజీ ఆత్మహత్య.. అపార్ట్మెంట్లో..?
- Bengaluru: భార్య, అత్తారింటి వేధింపులు.. హెడ్ కానిస్టేబుల్ రైలు కింద పడి ఆత్మహత్య
KCR: జీవితంలో తొలిసారి అమెరికాకు కేసీఆర్.. ఎందుకో తెలుసా?
బీఆర్ఎస్ అధినేత, మాజీ సీఎం కేసీఆర్ అమెరికాకు వెళ్లనున్నారు. కేసీఆర్ ఇప్పటివరకు అగ్రరాజ్యమైన అమెరికాకు వెళ్లలేదు. అంతే కాదు.. రెండు సార్లు ముఖ్యమంత్రిగా చేసిన కేసీఆర్.. చేపట్టిన విదేశీ పర్యటనలు కేవలం రెండంటే రెండు మాత్రమే. అందులో ఒకటి సింగపూర్, రెండోది చైనా.
అంతకు మించి కేసీఆర్.. తన జీవితకాలంలో దేశం దాటలేదు. అయితే తొలిసారి.. అమెరికాకు కేసీఆర్ వెళ్లనున్నట్లు సమాచారం. సుమారు 35 ఏళ్లకుపైగా సుదీర్ఘంగా రాజకీయాల్లో కొనసాగుతున్న కేసీఆర్.. కేవలం రెండే రెండు ఫారిన్ టూర్లతో.. దేశంలోనే అత్యంత తక్కువ విదేశీ పర్యటనలు చేసిన ముఖ్యమంత్రిగా నిలిచారు.
తాజాగా అమెరికా వెళ్లేందుకు గులాబీ బాస్ సిద్ధమవుతున్నట్టు తెలుస్తోంది. ఒకటి రెండు నెలల్లో కేసీఆర్ అమెరికా ప్రయాణం ఉంటుందని తెలుస్తోంది. అమెరికా వెళ్లనున్న కేసీఆర్.. సుమారు 2 నెలల పాటు అక్కడే ఉండే అవకాశం ఉందని సమాచారం. కేటీఆర్ కుమారుడు హిమాన్షు అమెరికాలోనే ఉన్నత విద్యను అభ్యసిస్తున్నారు.
తన మనవడు హిమాన్షు కోరిక మేరకే తాత కేసీఆర్ అమెరికా వెళ్తున్నట్లు సమాచారం. కొన్ని రోజులు అమెరికా వచ్చి రెస్ట్ తీసుకోవాలని.. ఇటీవల ఇండియా వచ్చిన హిమాన్షు తాతను కోరినట్లు తెలుస్తోంది.
