1. వార్తలు
  2. తెలుగు వార్తలు
  3. తెలంగాణ వార్తలు
  4. Telangana: 23-year-old dies of heart attack while dancing in wedding procession

పెళ్లి బరాత్‌లో డ్యాన్స్ చేస్తూ.. గుండెపోటుతో యువకుడి మృతి..

Heart attack
మొన్నటికి మొన్న హైదరాబాదులో ఆలయ ప్రదక్షణలు చేస్తూ ఓ వ్యక్తి గుండెపోటుతో ప్రాణాలు కోల్పోయిన ఘటనను మరవకముందే.. మేడిపల్లి మండలం మోతుకురావుపేటలో బుధవారం అర్థరాత్రి ఓ మ్యారేజ్ ఫంక్షన్‌లో డ్యాన్స్ చేస్తూ సంజీవ్ (23) అనే యువకుడు గుండెపోటుతో మృతి చెందాడు.
 
వివరాల్లోకి వెళితే.. కమ్మరికుంటకు చెందిన సంజీవ్‌ మోతుకురావుపేటలో జరిగే తన మేనమామ కుమారుడి వివాహానికి హాజరయ్యాడు. పెళ్లి ఊరేగింపులో డ్యాన్స్ చేస్తూ కుప్పకూలిపోయాడు. కుటుంబ సభ్యులు అతన్ని వెంటనే స్థానిక ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు.
 
23 ఏళ్ల యువకుడు కళ్ల ముందే కన్నుమూయడంతో తల్లిదండ్రులు కన్నీరుమున్నీరు అయ్యారు. సంజీవ్ మృతితో పెళ్లి ఇంట్లో విషాదం నెలకొంది. ఎలాంటి లక్షణాలు లేకుండా గుండెపోటు వస్తుండడంతో చాలామంది భయపడిపోతున్నారు.
తర్వాతి కథనం
వరుసగా ఆరో రోజూ స్టాక్ మార్కెట్ ఢమాల్...