వివాహ వ్యవస్థపై నమ్మకం లేని 'దంగల్' ఫేం!

'దంగల్' ఫేం ఫాతిమా సనా షేక్ వివాహ బంధంపై కీలక వ్యాఖ్యలు చేసింది. పెళ్లి వ్యవస్థపై తనకు ఏమాత్రం నమ్మకం లేదని చెప్పుకొచ్చింది. అందువల్ల తాను పెళ్ళి బంధానికి దూరమని తెలిపింది. 

వివాహం అనేది ఒకరితో స్థిరపడటానికి చేసుకునేది కాదు. ఒకరు ప్రేమలో ఉన్నారని చెప్పడానికి ఓ ధృవపత్రం అక్కర్లేదని చెప్పుకొచ్చింది. పైగా, స్త్రీపురుషులు జీవితాంతం కలిసివుండాలని మనస్ఫూర్తిగా ఆకాంక్షించాలని 28 యేళ్ల నటి చెప్పుకొచ్చింది. 

తాజాగా, బాలీవుడ్ చిత్ర పరిశ్రమకు చెందిన అనుష్క శర్మ, దీపికా పదుకొనె, ప్రియాంకా చోప్రా, నెహా కక్కర్ వంటి నటీమణులు ఇటీవలి కాలంలో వివాహం చేసుకుని కుటుంబ జీవితాన్ని ఆస్వాదిస్తున్నారు. కానీ, ఫాతిమా సనా షేక్ మాత్ర ఎట్టిపరిస్థితుల్లోనూ పెళ్లి చేసుకోబోనని తేల్చి చెప్పింది. 

కాగా, ఈ అమ్మడు ప్రస్తుతం 'సూరజ్ పే మంగల్ భారి' అనే చిత్రంతో పాటు... అనురాగ్ బసు నిర్మిస్తున్న మల్టీస్టారర్ మూవీ "లూడో"లో నటించనుంది. ఈ రెండు ప్రాజెక్టులు నవంబు నెలలో పట్టాలపైకెక్కనున్నాయి. అంతేకాకుండా, ఈ ముద్దుగుమ్మకు పెద్ద చిత్రాల్లో అవకాశాలు రాకముందు 'చాచి 420', 'బడే దిల్వాలా' అనే చిత్రాల్లో బాలనటిగా వెండితెరపై కనిపించింది.