నాకు 'అష్టాచమ్మా' రోజులు గుర్తుకు తెచ్చిన సినిమా.... హీరో నాని
నాని, అను ఇమ్మాన్యుయల్‌, ప్రియా శ్రీ హీరో హీరోయిన్లుగా ఆనంది ఆర్ట్‌ క్రియేషన్స్‌, కేవా మూవీస్‌ పతాకాలపై పి.కిరణ్‌, గోళ్ళ గీత అందిస్తున్న చిత్రం 'మజ్ను'. 'ఉయ్యాలా జంపాలా' చిత్రాన్ని రూపొందించిన విరించి
నాని, అను ఇమ్మాన్యుయల్‌, ప్రియా శ్రీ హీరో హీరోయిన్లుగా ఆనంది ఆర్ట్‌ క్రియేషన్స్‌, కేవా మూవీస్‌ పతాకాలపై పి.కిరణ్‌, గోళ్ళ గీత అందిస్తున్న చిత్రం 'మజ్ను'. 'ఉయ్యాలా జంపాలా' చిత్రాన్ని రూపొందించిన విరించి వర్మ దర్శకత్వంలో రూపొందుతున్న ఈ చిత్రానికి గోపీ సుందర్‌ సంగీతం అందించారు. ఈ సినిమా ఆడియో విడుదల హైదరాబాద్‌‌లో జరిగింది.
హీరో నాని మాట్లాడుతూ ''అందరూ అనుకుంటున్నట్లు బాధలో ఉండే మజ్ను కథ ఈ సినిమా కాదు. ప్రేమలో పడి సమస్యల్లో ఉన్నట్లు కనపడే ఎవరినైనా మజ్ను అనే అంటాం. ఇక మా మజ్ను సినిమా విషయానికి వస్తే బోర్‌ కొట్టదు. అందరినీ ఎంటర్‌టైన్‌ చేస్తూ ఇంటికి వెళ్ళినా గుర్తుకు వస్తుంటాడు. ఉయ్యాలా జంపాలా కథను దర్శకడు విరించి వర్మ ముందు నాకే చెప్పాడు. కాబట్టి నాకు అప్పటి నుండి మంచి పరిచయం. తను చాలా మంచి నిజాయితీ ఉన్న వ్యక్తి. తన నిజాయితీ తన సినిమాలోని ప్రతి క్యారెక్టర్‌లో కనపడుతుంది. ప్రేక్షకులు అందుకే తన సినిమాను తమదిగా భావిస్తారు.
అందుకే ఉయ్యాలా జంపాలా పెద్ద హిట్‌ సాధించింది. దాని కంటే మా మజ్ను ఇంకా పెద్ద హిట్‌ సాధిస్తుంది. కిరణ్‌గారు, గీతగారితో ఎప్పటి నుండో సినిమా చేయాలనుకుంటున్నాను. ఇప్పటికి కుదిరింది. నాకు అష్టాచమ్మా రోజులు గుర్తుకు తెచ్చిన సినిమా ఇది. యూనిట్‌ సభ్యులందరితో ఒక సభ్యుడిగా కలిసిపోయి ఈ సినిమా కోసం పనిచేశాను. హీరోయిన్స్‌ అనుఇమ్మాన్యుయల్‌, ప్రియాశ్రీలు చక్కగా యాక్ట్‌ చేశారు. గోపీ సుందర్‌తో భలే భలే మగాడివోయ్‌ తర్వాత చేస్తున్న మూవీ ఇది. నా కెరీర్‌లో ఒన్‌ ఆఫ్‌ ది బెస్ట్‌ ఆల్బమ్‌ ఇచ్చారు. సినిమాకి పనిచేసిన ప్రతి ఒక్కరూ ఎంజాయ్‌ చేస్తూ చేశాం. అందరికీ థాంక్స్‌'' అన్నారు.
దర్శకుడు విరించి వర్మ మాట్లాడుతూ, ''మనం ఎవరినైనా ఇష్టపడుతున్నప్పుడు అది ఇష్టమా? ప్రేమా? అనే కన్‌ఫ్యూజన్‌ వుంటుంది. అలాగే ప్రేమలో ఉన్నప్పుడు అది ఎన్ని రోజులు ఉంటుందనే కన్‌ఫ్యూజన్‌ వుంటుంది. అలాంటి కాన్సెప్ట్‌తో ఈ 'మజ్ను' చిత్రాన్ని రూపొందించాను. మంచి ఎంటర్‌టైన్‌మెంట్‌తోపాటు రొమాంటిక్‌ ఫీల్‌ ఉన్న చిత్రం'' అన్నారు. సంగీత దర్శకుడు గోపిసుందర్‌ మాట్లాడుతూ.. ''లవ్‌కి, మ్యూజిక్‌కి లాంగ్వేజ్‌ అవసరం లేదు. నాని ఈ సాంగ్స్‌ విని నా కెరీర్‌లో ఒన్‌ ఆఫ్‌ ది బెస్ట్‌ ఆల్బమ్‌ని ఇచ్చారని అనడం సంతోషాన్ని కలిగించింది. రామజోగయ్యశాస్త్రి మంచి లిరిక్స్‌ ఇచ్చారు. దర్శకనిర్మాతలు లవ్‌ అండ్‌ గుడ్‌ ఎంటర్‌టైనర్‌ని రూపొందించారు. అందరికీ ఆల్‌ ది బెస్ట్‌'' అన్నారు.
ఇంద్రగంటి మోహనకృష్ణ మాట్లాడుతూ, ''ఎనిమిది సంవత్సరాల క్రితం నాని తొలి చిత్రం అష్టా చమ్మా సెప్టెంబర్‌ 5న విడుదలైంది. ఇప్పుడు అదే నెలలో ఆడియో, సినిమా రిలీజ్‌ అవుతోంది. మంచి ప్యాషన్‌ ఉన్న హీరో. దర్శకుడు విరించివర్మ, నిర్మాతలు కిరణ్‌, గీతలకు, ఎంటైర్‌ టీమ్‌కి ఆల్‌ది బెస్ట్‌'' అన్నారు.
