ఆర్‌.ఆర్‌.ఆర్‌. విడుద‌ల వాయిదా ప్ర‌క‌టించిన రాజ‌మౌళి

RRR notice

ఊహించిందే అయింది. మొద‌టినుంచి త‌మ చిత్రాన్ని ప్ర‌చారం నిర్వ‌హించిన రాజ‌మౌళి ఎట్టి ప‌రిస్థితుల్లోనూ జ‌న‌వ‌రి 7న సినిమాను విడుద‌ల చేస్తామ‌ని ముంబైలోనూ, చెన్నైలోనూ ప్ర‌క‌టించాడు. అయితే వాటికిముందుగానే హైద‌రాబాద్‌లో ప్ర‌మోష‌న్‌లో భాగంగా ప్రెస్‌మీట్ పెట్టి, ష‌డెన్‌గా వాయిదా వేశారు. కానీ ఆ త‌ర్వాత ముంబై, చెన్నై ప్రాంతాల‌లో ప‌ర్య‌టించి అక్క‌డి ప్ర‌చారం ఊపు ఊపాడు. 

కానీ ఎంత ఎఫెర్ట్ పెట్టినా కొన్ని ప‌రిస్థితులు త‌మ చేతుల్లో లేవ‌ని రాజ‌మౌళి తేల్చిచెబుతూ ఓ లెట‌ర్‌ను కొద్ది సెక‌న్ల క్రిత‌మే విడుద‌ల చేశాడు. మేం నిరంతం క‌ష్ట‌ప‌డి సినిమాను విడుద‌ల‌చేయాల‌ని అనుకున్నాం. కానీ కొన్ని ప‌రిస్థితులు మ‌న చేతుల్లోంచి జారిపోయాయి. దేశంలో కొన్ని ప్రాంతాల‌లో థియేట‌ర్ల మూసివేయ‌డంతో త‌ప్ప‌ని ప‌రిస్థితుల్లో ఆర్‌.ఆర్‌.ఆర్‌.ను వాయిదా వేస్తున్నామ‌ని పేర్కొన్నారు. ప్రేక్ష‌కుల ఆస‌క్తిని గ్ర‌హించాం. అందుకే త్వ‌ర‌లో మ‌రో తేదీని మీముందుకు తీసుకువ‌స్తామ‌ని తెలిపారు.