నా భర్త ఎక్కడో ఒక్క పెద్ద గొయ్యి తవ్వుతున్నాడు.. సమంత (video)
టాలీవుడ్ అగ్ర హీరోయిన్ సోషల్ మీడియాలో యాక్టివ్‌గా వుంటారనే విషయం తెలిసిందే. సామాజిక అంశాలపై స్పందించడమే కాకుండా.. అప్పుడప్పుడూ తన ఫ్యామిలీకి సంబంధించిన ఫోటోలను కూడా పోస్టు చేస్తూ అభిమానులకు టచ్‌లో వుంది. ఇంకా భర్త నాగచైతన్యను ఉద్దేశించి సరదా వ్యాఖ్యలు కూడా చేస్తూ వుండే సమంత.. టాలీవుడ్ హీరో రానా రోకా ఫంక్షన్‌లో భర్త నాగచైతన్యతో కలిసి పాల్గొంది. ఈ సందర్భంగా తీసిన ఫొటోలను సమంత ఇన్‌స్టాగ్రామ్‌లో షేర్‌ చేసింది.
తొలుత రానా-మిహీకా దంపతులతో దగ్గుబాటి యంగర్‌ జనరేషన్‌ కలిసి దిగిన ఫొటోను సమంత షేర్‌ చేసింది. 2020లో ఒక మంచి వార్త చెప్పినందుకు రానా, మిహీకాలకు థ్యాంక్స్‌ చెప్పింది. అనంతరం నాగచైతన్య ఫొటో షేర్‌ చేసిన సమంత.. ఆయనను ఆటపట్టించేలా ఫన్నీ పోస్ట్‌ చేశారు. 'అమ్మ, అంటీ, బంధువులు, స్నేహితులు అందరిని పంపించిన తర్వాత ఇప్పుడు ఇన్‌స్టాగ్రామ్‌ సమయం వచ్చింది.
''చూడండి నా భర్త ఎంత హ్యాండ్‌సమ్‌గా ఉన్నాడో కదా ?(భర్త ఎక్కడో ఒక్క పెద్ద గొయ్యి తవ్వుతున్నాడు)' అని పేర్కొంది. దీనిపై అంతే సరదాగా స్పందించిన నాగచైతన్య.. చూస్తుంటే ఇది ఇతరుల భాగస్వామ్యంతో చేసిన పెయిడ్‌ పోస్ట్‌లలో ఒకటిగా కనిపిస్తుందన్నాడు.
