రాధిక నా తల్లి కాదు.. అయినా ఫ్రెండ్లీగా వుంటారు.. రహస్యాలను..? (Video)
సినీ నటి, శరత్ కుమార్ భార్య రాధిక గురించి వరలక్ష్మీ శరత్ కుమార్ సంచలన వ్యాఖ్యలు చేసింది. వరలక్ష్మీ తెలుగులో రవితేజ హీరోగా వచ్చిన క్రాక్ సినిమాలో నటించింది. ఈ సినిమాలో ఆమె నెగెటివ్ షేడ్స్ ఉన్న పాత్రలో అదరగొట్టిందనే చెప్పాలి. జయమ్మగా సముద్రఖని సరసన ఆయనకు పోటీగా నటించి ప్రేక్షకులను బాగానే మెప్పించింది. ఈ సినిమా సంక్రాంతి కానుకగా ఇటీవల విడుదలై బ్లాక్ బస్టర్ టాక్‌తో దూసుకుపోతోంది.
ఈ సందర్భంగా మీడియాతో మాట్లాడిన వరలక్ష్మీ తన సవితి తల్లి రాధిక గురించి మాట్లాడుతూ.. 'ఆమె నా తల్లి కాదు. కానీ నాతో చాలా ఫ్రెండ్లీగా ఓ ఫ్రెండ్‌లా ఉంటుంది. అంతేకాదు నా కెరియర్ కు సంబందించిన సూచనలు, గైడెన్స్ ఇస్తూ ఉంటుంది. అయితే నేను ఎప్పుడైనా ఆమెకు ఏదైనా రహస్యం చెబితే.. మాత్రం దాన్ని వెంటనే అందరికీ లీక్ చేసేస్తుంది.
అయితే అందులో దురుద్దేశం ఉండదు.. అలా పొరపాటున జరిగిపోతుంది. ఇలా నా రహస్యాలను లీక్ చేసి చాలా సార్లు నన్ను ఇబ్బంది పెట్టారు అంటూ తన సవితి తల్లి రాధిక గురించి చెప్పుకొచ్చింది వరలక్ష్మి. ఇకపోతే.. విశాల్ బ్లాక్ బస్టర్ సినిమా పందెంకోడికి సీక్వెల్‌గా వచ్చిన 'పందెం కోడి 2′, ఆ తర్వాత విజయ్ హీరోగా వచ్చిన 'సర్కార్' వంటి చిత్రాల్లో లేడీ విలన్‌గా కనిపించి అదరగొట్టింది.
ఇక తాజాగా రవితేజ, శృతి హాసన్‌లు హీరో హీరోయిన్స్‌గా గోపిచంద్ మలినేని దర్శకత్వంలో వచ్చిన క్రాక్‌లో నటించి తెలుగువారికి మరింత దగ్గరైంది. ఈ సినిమా బంపర్ హిట్ అవ్వడంతో ఈ భామకు తెలుగులో మరిన్ని అవకాశాలు వచ్చే అవకాశం ఉంది.
