విద్యుత్ తీగలపై నిల్చుని ఆకులు తింటున్న మేక- వీడియో వైరల్

Publish: Thu, 10 Apr 2025 (13:33 IST) Updated: Thu, 10 Apr 2025 (13:57 IST)

Goat

విద్యుత్ తీగలపై నిలబడి ఆకులు తింటున్న మేక వీడియో వైరల్‌గా మారింది. ఇది వీక్షకులను ఆశ్చర్యానికి గురిచేసింది. ఒక తెల్ల మేక విద్యుత్ తీగలపై ప్రశాంతంగా నిల్చుని, ఆ తీగలపై వేలాడుతున్న కొన్ని ఆకులను తింటూ కనిపించింది. ఆ మేకలో ఏమాత్రం భయం కనిపించలేదు. 

ఈ వీడియోలో అనేక కేబుల్ లైన్లు, విద్యుత్ స్తంభాలతో కూడిన రహదారిని చూడవచ్చు. భూమి నుంచి ఆరు మీటర్ల కంటే ఎక్కువ ఎత్తులో ఉన్న కరెంట్ తీగపై నిలబడి ఉన్న మేకను జూమ్ చేస్తుంది. కేబుల్ వైర్‌కు తగులుకున్న గడ్డి తినడానికి ఆ మేక ముందుకు వంగి కనిపిస్తుంది. 

ఈ సంఘటన జరిగిన ఖచ్చితమైన ప్రదేశం తెలియరాలేదు. కానీ ఈ వీడియోను చూసిన వారంతా షాకవుతున్నారు. కరెంట్ తీగపై ఆ మేక ఎలా ఎక్కింది. అలా ఎక్కి ఏమాత్రం భయం లేకుండా గడ్డిని ఎలా మేస్తుందని నెటిజన్లు కామెంట్లు చేస్తూ ఆశ్చర్యం వ్యక్తం చేస్తున్నారు. మేకలు తరచుగా చెట్లు, కొండలను ఎక్కుతాయి. కానీ విద్యుత్ తీగలపై నిలబడిన ఆ మేక భయం లేకుండా ఎలా వుండగలుగుతోందని అడుగుతున్నారు. ఈ మేకను చూస్తూ వీధి జనం అవాక్కయ్యారు. 

ఈ వీడియో సోషల్ మీడియాలో వైరల్ కావడంతో, మేక ఎలా పైకి చేరుకుంది? అంటూ నెటిజన్లు ప్రశ్నిస్తున్నారు. "ఇది AI- జనరేటెడ్ వీడియో" అని మరొకరు చెప్తున్నారు.

GOAT???? pic.twitter.com/QdlxiQ5Hur

— rareindianclips (@rareindianclips) April 8, 2025