భారీ వజ్రం... ల‌క్ష‌లు చేతులు మారిన వైనం...
కర్నూలు జిల్లాలోని గ్రామీణ ప్రాంతాల్లో వ‌జ్రాలు దొర‌క‌డం ప‌రిపాటి. అయితే. ఈసారి ఒక భారీ వజ్రం దొరికి... అది కాస్తా ల‌క్ష‌ల‌కు చేతులు మారిపోతున్న‌ట్లు స‌మాచారం. కర్నూలు జిల్లా తుగ్గలి మండలం జొన్నగిరి లో ఓ వ్యక్తికి భారీ విలువైన వజ్రం దొరికింది.
వెంట‌నే దాన్ని జొన్నగిరికి చెందిన స్థానిక వ్యాపారి ఆ వ్య‌క్తిపై వ‌ల వేశాడు. దాన్ని అక్క‌డిక‌క్క‌డ 30 లక్షల రూపాయ‌ల‌కు కొనుగోలు చేశాడు. రైతు తన పొలంలో పొలం పనులు చేస్తుండగా ఈ వజ్రం లభ్యం అయిన‌ట్లు తెలుస్తోంది.
అయితే, భూమిలో దొరికిన వ‌జ్రాల‌ను ఇత‌ర సంప‌ద‌ల‌ను ప్ర‌భుత్వానికి అంద‌జేయాలి. కానీ, ఒక వ్యాపారికి క‌ట్ట‌బెట్ట‌డంతో...ఇపుడు ఆ వజ్రం ల‌క్ష‌ల‌కు చేతులు మారుతున్న‌ట్లు తెలుస్తోంది. ఇప్ప‌టికైనా పోలీసులు ఈ కేసుపై దృష్టి పెట్టాల‌ని స్థానికులు చెపుతున్నారు.
