1. వార్తలు
  2. తెలుగు వార్తలు
  3. తెలుగు వార్తలు
  4. Husband cheat when their his wife are pregnant

ప్రేమించి పెళ్ళి చేసుకున్నాడు.. గర్భవతి అయ్యిందే పారిపోయాడు.. ఎక్కడ?

ప్రేమించి పెళ్ళి చేసుకున్నాడు. పెళ్లి తర్వాత అత్తింట్లో తిష్ట వేశాడు. భార్య 6 నెలల గర్భవతికాగానే కట్నం కోసం వేధించడం మొదలెట్టాడు. కట్నం ఇవ్వకపోవడంతో ఇంటి నుంచి పరారయ్యాడు.

cheat
ప్రేమించి పెళ్ళి చేసుకున్నాడు. పెళ్లి తర్వాత అత్తింట్లో తిష్ట వేశాడు. భార్య 6 నెలల గర్భవతికాగానే కట్నం కోసం వేధించడం మొదలెట్టాడు. కట్నం ఇవ్వకపోవడంతో ఇంటి నుంచి పరారయ్యాడు. చిత్తూరు జిల్లా శ్రీకాళహస్తిలో జరిగిన ఈ సంఘటన తీవ్ర చర్చనీయాంశంగా మారింది. శ్రీకాళహస్తి హరహర బాయ్ వీధికి చెందిన రజియా, చాన్ బాషాలు ప్రేమించుకుని సంవత్సర క్రితం ఇంటి నుంచి పారిపోయి వివాహం చేసుకున్నారు. వివాహమైన తర్వాత రజియా ఇంటిలోనే చాన్ బాషా కాపురం పెట్టాడు. కొన్నినెలల పాటు వీరి సంసారం సాఫీగానే సాగింది. 
 
రజియా గర్భవతి అయినప్పటి నుంచి చాన్ బాషా కుటుంబ సభ్యుల నుంచి రజియాకు వరకట్న వేధింపులు మొదలయ్యాయి. అడిగినంత కట్నం ఇవ్వకుంటే చాన్ బాషాకు వేరొకరితో వివాహం చేస్తామని బెదిరించసాగారు. ఆర్థిక స్తోమత లేకపోవడంతో రజియా కుటుంబ సభ్యులు వరకట్నం ఇవ్వడం వాయిదా వేస్తూ వచ్చారు. దీంతో చాన్ బాషా కుటుంబ సభ్యులు అతన్ని తీసుకొని శ్రీకాళహస్తి వదిలి వెళ్ళిపోయారు. తనకు న్యాయం చేయాలంటూ రజియా పోలీసులకు ఆశ్రయించింది. అయితే పోలీసులు మాత్రం ఇప్పటివరకు కేసు నమోదు చేయకపోగా తనను బెదిరించి పంపేస్తున్నట్లు బాధితురాలు వాపోయింది. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
నేను ఎంపిగా నిలబడితే నాకెవరు ఓటేస్తారు : జయప్రకాష్ నారాయణ్