చిరంజీవి వద్ద ఆ విషయాన్ని ప్రస్తావించిన సోము వీర్రాజు.. సున్నితంగా తిరస్కరణ..!
భారతీయ జనతాపార్టీ అధ్యక్షుడు అయిన తరువాత సోము వీర్రాజు కొంతమంది ప్రముఖులను కలుస్తున్నారు. ముఖ్యంగా బిజెపితో సఖ్యతగా ఉన్న వారు.. తనకున్న పరిచయాలున్న వ్యక్తులతో కలుస్తున్నారు. ముఖ్యంగా చిరంజీవితో సోము వీర్రాజు భేటీ ఇప్పుడు రాజకీయంగా తీవ్ర చర్చకు దారితీస్తోంది.
పార్టీ అధ్యక్షుడిగా బాధ్యతలు స్వీకరించాను చిరంజీవి గారు. మీ ఆశీస్సులు కావాలంటూ వెళ్ళారు సోము వీర్రాజు. అయితే సుమారు అరగంట పాటు చిరుతో భేటీ అయిన తరువాత సోము వీర్రాజు ఏకంగా ఆయన్ను బిజెపిలోకి ఆహ్వానించారట. కేంద్రంలో చక్రం తిప్పుతున్న బిజెపిలోకి మీలాంటి వారి రాక అవసరం.
ప్రస్తుతం మీ తమ్ముడితో మేము రాష్ట్రంలో జతకట్టాము. కలిసి ప్రజా సమస్యలపై పోరాటం చేస్తున్నాము. మీరు కేంద్రమంత్రిగా పనిచేశారు. మీకు రాష్ట్ర పరిస్థితులు బాగా తెలుసు. అందుకే మీలాంటి వారి రాక కోసం మేము ఎదురుచూస్తున్నామంటూ చిరుతో ఓపెన్ అయిపోయారట సోము వీర్రాజు.
కానీ చిరంజీవి మాత్రం సున్నితంగా ఆ విషయాన్ని పక్కన బెట్టారట. ప్రస్తుతం రాజకీయాల్లోకి తిరిగి వచ్చే ఆలోచన అస్సలు లేదని.. సినిమాల్లోనే బిజీగా ఉన్నానని.. నాపై నమ్మకంతో పిలిచినందుకు ధన్యవాదాలని చిరంజీవి సోము వీర్రాజుకు చెప్పారట. ప్రస్తుతం ఇదే విషయం హాట్ టాపిక్‌గా మారుతోంది.
