జగన్ పాలన బాగుంటే సినిమాలు చేసుకుంటా.. పవన్ పోస్టు వైరల్
మహాశివరాత్రి పర్వదినం సందర్భంగా 'హరిహర వీరమల్లు' ఫస్ట్ లుక్, టీజర్‌ను విడుదల చేయడంతో మంచి రెస్పాన్స్ వచ్చింది. ఈ సినిమాతో పాటు.. 'వకీల్ సాబ్' చిత్రం విడుదలకు రెడీగా ఉంది. ఇవే కాకుండా.. 'అయ్యప్పనుమ్ కోషియమ్' అనే మలయాళ రీమేక్ మూవీ చేస్తున్నారు. రానాతో కలిసి స్క్రీన్ షేర్ చేసుకోబోతున్నారు పవన్. ఇక మెగా దర్శకుడు హరీష్ శంకర్‌తో కూడా పవన్ కళ్యాణ్ సినిమా కన్ఫామ్ అయ్యింది. మొత్తంగా పవన్ కళ్యాణ్ వరుసగా ఐదు సినిమాలకు ఓకే చేశారు.
ఈ తరుణంలో మూవీ క్రిటిక్ మహేష్ కత్తి గతంలో పవన్ కళ్యాణ్.. జగన్‌ని ఉద్దేశిస్తూ చేసిన కామెంట్లను గుర్తు చేస్తూ పోస్ట్ పెట్టారు. 'జగన్ అధికారంలోకి వచ్చాక అనౌన్స్ అయిన 5వ సినిమా 'హరి హర వీరమల్లు'.. జగన్‌కి అభినందలు' అంటూ గతంలో జగన్‌పై పవన్ చేసిన కామెంట్‌ను పోస్ట్ చేశారు. 'జగన్ పాలన బాగుంటే నేను మళ్లీ సినిమాలు చేసుకుంటాను' అని పవన్ అప్పట్లో చేసిన కామెంట్లను షేర్ చేశారు కత్తి మహేష్. ప్రస్తుతం ఈ పోస్టు వైరల్‌గా మారుతోంది.
