1. వార్తలు
  2. తెలుగు వార్తలు
  3. తెలుగు వార్తలు
  4. Visakhapatnam : Man Commits Suicide Due to Love Failure

నాది వన్‌సైడ్ లవ్... ఆ అమ్మాయి జెమ్... నిందలు వేసి తప్పు చేశా.. సారీ

తాను ప్రేమించిన యువతి మరో యువతిని పెళ్లి చేసుకోవడం ఏమాత్రం ఇష్టంలేని ఓ యువకుడు ఆత్మహత్య చేసుకున్నాడు. ఆ యువతిపై లేనిపోని నిందలు వేసి... పెళ్లి చెడగొట్టాడు. చివరకు పెళ్లి చెడగొట్టానన్న మనస్తాపంతో ఆత్మహ

Visakhapatnam
తాను ప్రేమించిన యువతి మరో యువతిని పెళ్లి చేసుకోవడం ఏమాత్రం ఇష్టంలేని ఓ యువకుడు ఆత్మహత్య చేసుకున్నాడు. ఆ యువతిపై లేనిపోని నిందలు వేసి... పెళ్లి చెడగొట్టాడు. చివరకు పెళ్లి చెడగొట్టానన్న మనస్తాపంతో ఆత్మహత్య చేసుకున్నాడు. తాజాగా వెలుగులోకి వచ్చిన ఈ వివరాలను పరిశీలిస్తే...
 
దువ్వాడ పోలీసు స్టేషన్ పరిధిలోని అగనంపూడి నిర్వాసితకాలనీ దిబ్బపాలేనికి చెందిన దుల్ల రమేష్‌ (28) అనే యువకుడు ఐటీఐ పూర్తిచేసి పెయింటింగ్‌ పనులు చేసుకుంటూ జీవిస్తున్నారు. అయితే, ఈ యవకుడు స్థానికంగా ఉండే ఓ యువతిని ప్రేమిస్తూ వచ్చాడు. ఆమెకు 2వ తేదీన రఘు అనే అతనితో వివాహం జరగాల్సి ఉంది.
 
ఈ విషయం తెలుసుకున్న రమేష్‌ రఘు వద్దకు వెళ్లి మీరు పెళ్లి చేసుకోవాల్సిన యువతిని ప్రేమిస్తున్నానని, ఆ యువతి కూడా నన్ను ప్రేమిస్తుందని చెప్పడంతో రఘు పెళ్లిని రద్దు చేసుకున్నాడు. ఈ విషయం తెలిసిన యువతి తల్లిదండ్రులు రమేష్‌పై దువ్వాడ పోలీసులకు ఫిర్యాదు చేశారు. పోలీసులు శనివారం రమేష్‌పై కేసు నమోదు చేసి పూచీకత్తుపై రాత్రి ఇంటికి పంపించేశారు. 
 
ఇంటికి చేరుకున్న రమేష్‌ మనస్తాపానికి గురై దువ్వాడ రైల్వే స్టేషన్‌కు సమీపంలో రైలు కింద పడి ఆత్మహత్య చేసుకున్నాడు. రమేష్‌ జేబులో దొరికిన సూసైడ్‌ నోట్‌లో యువతి చాలా మంచిదని, నాది వన్‌సైడ్‌ లవ్‌ అని, యువతిని దక్కించుకోడానికి నేను ఆమెపై నిందలు వేశానని, రఘు ఆమెను పెళ్లి చేసుకోవాలని కోరుతూ లేఖ రాశాడు. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
శాకాహార బిర్యానీలో గొంగళిపురుగు..