చెన్నైలో శ్రీరెడ్డి అరెస్టుకు రంగం సిద్ధం... ఎందుకంటే?
తెలుగు సినీ పరిశ్రమలోని ప్రముఖులపై తీవ్రస్థాయిలో వ్యాఖ్యలు చేశారు శ్రీరెడ్డి. శ్రీరెడ్డి వ్యాఖ్యలతో తెలుగు సినీ పరిశ్రమలోని కొంతమంది హీరోలు చాలా ఇబ్బందులు పడ్డారు. అయితే తెలుగు సినీపరిశ్రమను వదిలిపెట్ట తమిళ సినీపరిశ్రమలోని వారిపై దృష్టి పెట్టింది. మొ
తెలుగు సినీ పరిశ్రమలోని ప్రముఖులపై తీవ్రస్థాయిలో వ్యాఖ్యలు చేశారు శ్రీరెడ్డి. శ్రీరెడ్డి వ్యాఖ్యలతో తెలుగు సినీ పరిశ్రమలోని కొంతమంది హీరోలు చాలా ఇబ్బందులు పడ్డారు. అయితే తెలుగు సినీపరిశ్రమను వదిలిపెట్ట తమిళ సినీపరిశ్రమలోని వారిపై దృష్టి పెట్టింది. మొదటగా ఖుష్భూ భర్త సుందర్ పైన ఆరోపణలు చేశారు శ్రీరెడ్డి.
ఆ తరువాత ప్రముఖ డ్యాన్స్ మాస్టర్ లారెన్స్ పైన ఆరోపణలు చేశారు. అవకాశాల కోసం అమ్మాయిలను వాడుకోవడంలో లారెన్స్ సిద్ధహస్తుడంటూ శ్రీరెడ్డి చేసిన వ్యాఖ్యలు పెద్ద దుమారాన్నే రేపాయి. అంతేకాదు లారెన్స్ కొంతమంది అమ్మాయిలతో అసభ్యంగా ప్రవర్తించిన వీడియోలు కూడా తన వద్ద ఉన్నాయంటూ బాంబు పేల్చారు శ్రీరెడ్డి. వీడియోలను ఆధారంగా చేసుకుని లారెన్స్ పైన పోలీసులకు ఫిర్యాదు చేస్తానన్నారు. ఇది కాస్త తీవ్ర చర్చకు దారితీసింది.
అంతేకాదు ఈ విషయాన్ని తమిళ సినీ సంఘం అధ్యక్షుడు విశాల్ కూడా సీరియస్‌గా తీసుకున్నారు. శ్రీరెడ్డి అనసవరంగా హీరోలపై బురద జల్లే ప్రయత్నం చేస్తున్నారని మండిపడ్డారు. తన వద్ద ఆధారాలుంటే పోలీసులకు ఫిర్యాదు చేయాలే తప్ప వాట్సాప్‌లలో ఇష్టమొచ్చినట్లు పోస్ట్‌లు చేసి హీరోల గౌరవాలు దెబ్బతినేలా వ్యవహరించడం దారుణమన్నారు విశాల్. దీంతో చెన్నై నగరంలో పోలీసులకు శ్రీరెడ్డిపై ఫిర్యాదు చేశారు. పోలీసులు కూడా శ్రీరెడ్డిని అరెస్టు చేయాలన్న నిర్ణయానికి వచ్చేశారట. రేపు లేదా ఎల్లుండో శ్రీరెడ్డిని అరెస్టు చేయనున్నారని చెప్పుకుంటున్నారు.
