పెదవుల కోసం 17 యాసిడ్ ఇంజక్షన్లు.. అమ్మో ఎంత పెద్ద లిప్స్!

దేవుడు ఇచ్చిన రూపానికి సంతృప్తి చెందని కొందరు వ్యక్తులు, సరికొత్త రూపం కోసం ప్రయత్నాలు చేసి చివరికి వికృత రూపాన్ని కొనితెచ్చుకుంటారు. వివరాల్లోకి వెళితే.. బల్గేరియాకు చెందిన 22 ఏళ్ల ఆండ్రియా ఇవానోవాకు తన పెదవులు పెద్దగా ఉండటం అనేది చాలా ఇష్టం. అందుకోసం కొన్ని రోజుల నుంచి చాలా కష్టపడుతుంది. ఈ ప్రయత్నంలో భాగంగానే ఆమె తన పెదవులకు 17 సార్లు హైయాలురోనిక్ యాసిడ్ ఇంజక్షన్లు చేయించుకుంది. దీనితో ఆమె పెదవులు ప్రపంచంలో అతి పెద్ద పెదవులుగా గుర్తింపు పొందాయి. 

కానీ ఆమె సంతృప్తి పడలేదు. ఆమె ఇంజక్షన్ కోసం 134 పౌండ్లు (రూ.12,350) ఖర్చు చేస్తుంది. ఈ నెల చివర్లో మరో ఇంజక్షన్ కూడా ఖర్చు చేస్తుంది. దీనిపై ఆమె స్పందించింది. పెదవులు పెద్దగా ఉండటం అంటే తనకు చాలా ఇష్టమంది. ఈ కొత్త పెదవులతో తాను ఎంతో సంతోషంగా ఉన్నానని చెప్తుంది. పెదవులు పెద్దవిగా ఉంటే చాలా అందంగా ఉంటారట. ఈ విధానం కోసం బల్గేరియా రాజధాని సోఫియాలో ప్రతి క్లినిక్‌కు వెళ్లానని… నా పెదవుల్లో ఎన్నోరకాల లిప్ ఫిల్లర్లు ఉన్నాయని చెప్పుకొచ్చింది. అయితే ఆమె పెదవుల రూపం మాత్రం వికృతంగా వున్నాయని నెటిజన్లు అంటున్నారు.