1. వార్తలు
  2. తెలుగు వార్తలు
  3. అంతర్జాతీయ వార్తలు
  4. Hyderabad Student Missing in Finland Found Dead in Helsinki Sea

ఫిన్‌లాండ్‌లో అదృశ్యమైన హైదరాబాద్‌ విద్యార్థి.. బీచ్‌లో మృతదేహం

Helsinki Sea
Helsinki Sea
ఫిన్‌లాండ్‌లో అదృశ్యమైన హైదరాబాద్‌కు చెందిన విద్యార్థి మృతదేహం లభ్యమైందని స్థానిక పోలీసులు తెలిపారు. మృతుడిని రంగారెడ్డి జిల్లా హయత్ నగర్‌కు చెందిన 18 ఏళ్ల మణిదీప్ రెడ్డి గుజ్జగా గుర్తించారు. హెల్సింకిలోని క్రూనువోరెన్‌రాంటా  తీరప్రాంత సముద్రంలో జరిపిన గాలింపు చర్యల్లో జూలై 9న అతని మృతదేహం లభ్యమైంది. పోలీసుల సమాచారం ప్రకారం, ప్రస్తుతం దీని వెనుక ఎలాంటి కుట్ర లేదా నేరపూరిత చర్య ఉన్నట్లు అనుమానాలు లేవు. మరణానికి గల కారణాలపై దర్యాప్తు కొనసాగుతోంది.
 
లాహ్టీలోని ఎల్‌యూటీ యూనివర్సిటీలో ఇంజనీరింగ్ చదువుల కోసం మణిదీప్ 2025లో ఫిన్‌లాండ్‌కు వెళ్లారు. మే 5న లాహ్టీ నుండి హెల్సింకీకి జెడ్-ట్రైన్‌లో ప్రయాణించిన తర్వాత, మే నెల ప్రారంభంలో క్రూనువోవోరెన్రాంటా ప్రాంతంలో ఆయన చివరిసారిగా కనిపించారు. ఆ ప్రాంతంలోని ఒక కె-మార్కెట్' స్టోర్‌లో ఆయన కనిపించడమే చివరిగా నిర్ధారించబడిన సమాచారమని పోలీసులు తెలిపారు. 
 
ఆయన అదృశ్యం నేపథ్యంలో, ఫిన్‌లాండ్ నేషనల్ బ్యూరో ఆఫ్ ఇన్వెస్టిగేషన్ (ఎన్బీఐ) ఆధ్వర్యంలో హెల్సింకీ పోలీసులు, ఫిన్నిష్ బోర్డర్ గార్డ్ సహకారంతో విస్తృత గాలింపు చర్యలు చేపట్టారు. మే 5న తన తల్లితో మాట్లాడినప్పుడే మణిదీప్ చివరిసారిగా కుటుంబ సభ్యులతో సంప్రదింపులు జరిపారని వారు తెలిపారు.
About Writer
సెల్వి
Journalist since 2005. Former contributor at Eenadu & Andhra Jyothi Tamil Nadu Editions. Now in Sub Editor, Webdunia.... మరింత చదవండి
తర్వాతి కథనం
బుల్లెట్ ట్రైన్ హబ్‌గా తెలంగాణ : 2 గంటల్లో హైదరాబాద్ నుంచి చెన్నై