మగవారితో వ్యభిచారం.. పాకిస్థాన్ యువకుడి నిర్వాకం.. ఎక్కడ?
సాధారణంగా వ్యభిచారవృత్తిలో అమ్మాయిలు నిమగ్నమవుతుంటారు. కానీ, ఇక్కడ ఉపాధి కోసం వెళ్లిన ఓ యువకుడు వ్యభిచారాన్నే జీవనోపాధిగా చేసుకుని జీవిస్తూ వచ్చాడు. చివరకు తన వద్దకు వచ్చిన ఇద్దరు విటులతో పాటు వారిద్ద
సాధారణంగా వ్యభిచారవృత్తిలో అమ్మాయిలు నిమగ్నమవుతుంటారు. కానీ, ఇక్కడ ఉపాధి కోసం వెళ్లిన ఓ యువకుడు వ్యభిచారాన్నే జీవనోపాధిగా చేసుకుని జీవిస్తూ వచ్చాడు. చివరకు తన వద్దకు వచ్చిన ఇద్దరు విటులతో పాటు వారిద్దరితో వ్యభిచారం చేసిన నేరానికి పాక్ యువకుడిని కూడా పోలీసులు అరెస్టు చేశారు. ఈ సంఘటన దుబాయ్‌లో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే...
పాకిస్థాన్‌కు చెందిన 22 యేళ్ళ యువకుడు ఉపాధి నిమిత్తం దుబాయ్‌కు వెళ్లాడు. అక్కడ కార్మికుల వసతి గృహాల్లో నివశిస్తూ వచ్చాడు. అయితే, ఈ గృహాల్లో అసాంఘిక కార్యకలాపాలు సాగుతున్నట్టు గమనించిన ఇతర కార్మికులు.. పోలీసులకు సమాచారం అందించారు. దీంతో రంగంలోకి దిగిన పోలీసులు.. కొంతకాలంగా గుట్టుగా కొనసాగుతున్న వ్యభిచారాన్ని రట్టు చేశారు.
కార్మికులు ఉండే ఓ ఇంటిలో పాక్ యువకుడు వ్యభిచారం చేస్తున్నట్టు గుర్తించారు. రూ.350 (20 దినార్లు) తీసుకుని మగవారితో శృంగారంలో నిమగ్నమై ఉన్న సమయంలో పోలీసులు వెళ్లి ఆ యువకుడిని అరెస్టు చేశారు. అలాగే, అతడితో సెక్సులో పాల్గొన్న 26, 30 ఏళ్ల వయస్సున్న విటులను కూడా అదుపులోకి తీసుకున్నారు. నిందితులపై కేసు నమోదు చేశారు.
విచారణ జరిపిన న్యాయస్థానం వ్యభిచారం చేస్తున్న యువకుడికి 6 నెలల జైలుశిక్ష విధించింది. మిగతా నిందితులిద్దరికీ చెరో రూ.3500 జరిమానా, 2 నెలల జైలుశిక్ష విధించింది. వీరికి శిక్షాకాలం పూర్తైన అనంతరం దేశం నుంచి బహిష్కరించాలని ఆదేశించింది.
