1. వార్తలు
  2. తెలుగు వార్తలు
  3. అంతర్జాతీయ వార్తలు
  4. Shahid Khaqan Abbasi elected as interim prime minister

పాకిస్థాన్ ఆపద్ధర్మ ప్రధానమంత్రిగా షాహిద్ అబ్బాసీ

పనామా గేట్ స్కామ్‌లో చిక్కుకుని ఆ దేశ అత్యున్నత న్యాయస్థానం ఆదేశంతో పదవీచ్యుతుడైన మాజీ ప్రధాని నవాజ్ షరీఫ్ స్థానంలో పాకిస్థాన్ ఆపద్ధర్మ ప్రధానమంత్రిగా పాకిస్థాన్ ముస్లిం లీగ్-నవాజ్ (పీఎంఎల్-ఎన్)నేత షా

Shahid Khaqan Abbasi
పనామా గేట్ స్కామ్‌లో చిక్కుకుని ఆ దేశ అత్యున్నత న్యాయస్థానం ఆదేశంతో పదవీచ్యుతుడైన మాజీ ప్రధాని నవాజ్ షరీఫ్ స్థానంలో పాకిస్థాన్ ఆపద్ధర్మ ప్రధానమంత్రిగా పాకిస్థాన్ ముస్లిం లీగ్-నవాజ్ (పీఎంఎల్-ఎన్)నేత షాహిద్ ఖాకన్ అబ్బాసీ ఎన్నికయ్యారు. ఈయన గత నవాజ్ షరీఫ్ మంత్రివర్గంలో పెట్రోలియం శాఖ మంత్రిగా పనిచేశారు. 
 
కాగా, ఈ ప్రధాని పదవి కోసం మొత్తం ఆరుగురు పోటీ పడ్డారు. వీరిలో అబ్బాసీతో పాటు ఇమ్రాన్ ఖాన్ నేతృత్వంలోని తెహ్రీకే ఇన్సాఫ్ పార్టీ నుంచి షేక్ రషీద్, పాకిస్థాన్ పీపుల్స్ పార్టీ తరఫున ఇద్దరు నేతలు ఖుర్షీద్‌షా, నవీద్ కమర్, ముత్తాహిదా ఖ్వామీ మూవ్‌మెంట్ తరపున కిశ్వర్ జెహ్రా, జమాతే ఇస్లామీ తరఫున తారిఖుల్లాలు ఉన్నారు. 
 
అయితే, ఆ దేశ జాతీయ అసెంబ్లీ మాత్రం అబ్బాసీని తాత్కాలిక ప్రధానిగా ఎన్నుకుంది. దీంతో 45 రోజుల పాటు పాక్ తాత్కాలిక ప్రధానిగా షాహిద్ అబ్బాసీ ఉంటారు. ప‌నామా ప‌త్రాల అవినీతి కేసు వ‌ల్ల పాక్ ప్రధాని న‌వాజ్ ష‌రీఫ్‌పై ఆ దేశ సుప్రీంకోర్టు అన‌ర్హత వేటు వేస్తూ సంచ‌ల‌న తీర్పును వెలువ‌రించిన విషయం తెలిసిందే. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
ఓపిక నశించింది... వరల్డ్ మ్యాప్‌లో నార్త్ కొరియాను లేకుండా చేస్తా : గర్జిస్తున్న ట్రంప్