శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By కుమార్
Last Updated : బుధవారం, 13 మార్చి 2019 (16:20 IST)

మనసున్న మంచి దొంగ..

సాధారణంగా దొంగలు దొరికినంత దోచుకుని వెళ్లిపోతుంటారు. కానీ బీజింగ్‌లో ఒక దొంగ మాత్రం అందరి దీనికి భిన్నంగా ప్రవర్తించాడు. వివరాల్లోకి వెళితే చైనాలోని హేయువాన్ నగరంలో లీ అనే స్థానిక మహిళ డబ్బు డ్రా చేసుకోవడానికి ఏటీఎంకు వెళ్లింది. అప్పటికే ఆమెను అనుసరిస్తున్న ఒక దొంగ ఆమె డబ్బు తీసుకునే సమయంలో ఏటీఎంలోకి చొరబడి ఆమెను కత్తితో బెదిరించి ఆమె దగ్గర ఉన్న డబ్బంతా లాక్కొన్నాడు.
 
కత్తిని చూసి బెదిరిపోయిన మహిళ చేతిలో ఉన్నదంతా ఇచ్చేసింది. అయితే ఆ దొంగ మళ్లీ ఆమె బ్యాంక్ బ్యాలెన్స్ చెక్ చేయమని చెప్పాడు. ఆమె అతను చెప్పినట్లే చేసింది. ఆ ఖాతాలో డబ్బు పూర్తిగా లేవని తెలుసుకున్న అతనిలో ఎందుకో మార్పు వచ్చింది. 
 
ఆమె వద్ద తీసుకున్న డబ్బు అంతా తిరిగి ఇచ్చి వెళ్లిపోయాడు. ఈ సంఘటన మొత్తం సీసీటీవీలో రికార్డయింది. ఈ వీడియో కాస్త నెట్‌లో వైరల్ కావడంతో చూసిన వారంతా దొంగ మంచి తనాన్ని మెచ్చుకుంటున్నారు. ఇలాంటి వ్యక్తిని శిక్షించవద్దు అంటూ కూడా పలువురు నెటిజన్లు మద్దతు తెలుపుతున్నారు.