శుక్రవారం, 29 మార్చి 2024
  1. వార్తలు
  2. ఐటీ
  3. ఐటీ వార్తలు
Written By మోహన్ మొగరాల
Last Modified: బుధవారం, 27 ఫిబ్రవరి 2019 (20:36 IST)

మీరు సంగీత ప్రేమికులా.. అయితే మీకొక శుభవార్త..

ఇప్పటివరకు ఎన్నో మ్యూజిక్ స్ట్రీమింగ్ యాప్‌లు అందుబాటులో ఉన్నాయి. అయితే తాజాగా మరో మ్యూజిక్ స్ట్రీమింగ్ యాప్ ఇండియాలో అందుబాటులోకి వచ్చింది. అదే స్పాటిఫై. స్పాటిఫై మ్యూజిక్ స్ట్రీమింగ్ సర్వీస్ ఉచితమే, అయినప్పటికీ మ్యూజిక్ క్వాలిటీలో కొన్ని పరిమితులు ఉంటాయి. 
 
స్పాటిఫై సభ్యత్వాన్ని తీసుకున్నవారు అన్ని ఫీచర్లు వాడుకోవచ్చు. ఇందులో ఎలాంటి యాడ్స్ ఉండవు. మ్యూజిక్‌ను డౌన్‌లోడ్ చేసుకునే సదుపాయం కూడా ఉంది. ప్రస్తుతం ఒక నెల ప్రీమియం ఉచితంగా లభిస్తుంది. ఆ తర్వాత మాత్రం రూ.119 చెల్లించి సబ్‌స్క్రిప్షన్‌ని తీసుకోవాలి. ఇందులో విద్యార్థులకు ఒక వెసులుబాటు కల్పించారు. 
 
విద్యార్థులకు మాత్రం నెలవారీ సబ్‌స్క్రిప్షన్‌లో భాగంగా 50 శాతం డిస్కౌంట్ లభిస్తుంది. తాజాగా భారత్‌లో స్పాటిఫై ఛార్జీలు ఇలా ఉన్నాయి. ఒక రోజుకు రూ. 13 ఉండగా, వారానికి రూ. 39, నెలవారీ సభ్యత్వానికి రూ. 129 మరియు మూడు నెలలకు రూ. 389గా నిర్ణయించారు. ఈ యాప్ విద్యార్థులకు మరింత దగ్గరయ్యే అవకాశాలు బాగా కనిపిస్తున్నాయి.