బాలుడి ముక్కు రంధ్రంలో పాము.. 9 నుంచి 10 సెంటీ మీటర్లు.. ఎలా తొలగించారంటే?
సాధారణంగా ఒంటి మీద చీమ కుడితేనే తట్టుకోలేం. అలాంటి పాములాంటి జలగ ఓ బాలుడి ముక్కు రంధ్రంలో వుండిపోతే పరిస్థితి ఏంటి? అవును తొమ్మిదేళ్ల బాలుడి ముక్కు రంధ్రం నుంచి పాము లాంటి పెద్ద వార్మ్‌ను తొలగించారు. ముక్కు రంధ్రం నుంచి తోక లాంటి వస్తువు బయటకు రావడంతో ఆ బాలుడిని ఆస్పత్రిలో చేర్చారు. అక్కడ అతడికి సక్షన్ ప్రక్రియ ద్వారా వైద్యులు ఆ వార్మ్‌ను తొలగించారు.
వివరాల్లోకి వెళితే.. దక్షిణ కాశ్మీర్‌లోని అనంత్‌నాగ్ జిల్లాలో గల ఎంఎంఏబీఎం అసోసియేటెడ్ హాస్పిటల్ జీఎంసీలో తొమ్మిదేళ్ల బాలుడి ముక్కు రంధ్రం నుంచి పెద్దపాటి వార్మ్‌ను వైద్యులు తొలగించారు.
9 నుంచి 10 సెంటీమీటర్ల పొడవును కలిగివుంది. దానిని తొలగించాక శాంపిల్స్ ఫోరెన్సిక్స్ ల్యాబ్‌కు పంపారు. బరువు తగ్గడం, సరిగ్గా తినకపోవడానికి తోడు తోకలాంటిది బాలుడి ముక్కు నుంచి బయటకు కనిపించడంతో ఆస్పత్రికి తీసుకెళ్లడం జరిగిందని బాలుడి తల్లిదండ్రులు అంటున్నారు. వైద్యులు ఈ సమస్యకు సరైన పరిష్కారం కనుగొన్నారని వారు తెలిపారు.
