బాలికపై సీఐ అత్యాచార యత్నం, పరారీలో పోలీసు అధికారి

హన్మకొండ పట్టణం వడ్డెపల్లిలో బాలికపై సీఐ ర్యాంక్ అధికారి ఒకరు అత్యాచార యత్నం చేసాడు. అతడి నుంచి తప్పించుకున్న బాలిక విషయాన్ని తల్లిదండ్రులకు చెప్పింది. వెంటనే వారు కాజీపేట పోలీసు స్టేషనులో ఫిర్యాదు చేసారు. ఆరోపణలు ఎదుర్కొంటున్న సీఐ రవికుమార్... బాలిక నివాసం వుండే ప్రాంతంలోనే ఓ అపార్టుమెంట్లో వుంటున్నారు.

ఈ క్రమంలో బాలికను ఇంట్లోకి పిలిచి అత్యాచార యత్నానికి పాల్పడ్డాడు. అతడు ప్రస్తుతం పరారీలో వున్నట్లు చెబుతున్నారు. అతడిపై పోక్సో చట్టం కింద కేసు నమోదు చేసిన పోలీసులు దర్యాప్తు చేస్తున్నారు. కాగా సీఐ అత్యాచారానికి యత్నించడం మీడియాలో రావడంతో రక్షించాల్సిన పోలీసులే ఇలా అఘాయిత్యానికి పాల్పడితే ఇక రక్షించేది ఎవరంటూ ఆగ్రహం వ్యక్తం చేస్తున్నారు.