PM internship scheme 2024 ఆఖరు తేదీ అక్టోబర్ 25, వివరాలు ఇవే...
Prime Minister Internship scheme ఆఖరు తేదీ రేపే... అక్టోబరు 25, 2024. ఈ నెల 12న ప్రారంభమైన ఈ స్కీముకి సంబంధించి తొలిరోజే లక్షన్నర మంది రిజిస్ట్రర్ చేసుకున్నారు. ఈ ఇంటర్న్ షిప్ నమోదు చేసుకున్నవారిలో ఎంపికైన అభ్యర్థులకు 12 నెలల పాటు నెలకి రూ. 5000 చొప్పున ఆర్థిక సాయం అందిస్తారు. అలాగే రూ. 6,000 వన్ టైమ్ గ్రాంట్ ఇస్తారు. మహీంద్ర-మహీంద్ర, టీసీఎస్ వంటి అగ్రశ్రేణి కంపెనీలు అభ్యర్థులకు ఇంటర్న్ షిప్ అందిస్తాయి. 2024 కేంద్ర బడ్జెట్లో ఆర్థిక మంత్రి ఈ పథకాన్ని ప్రవేశపెట్టారు. దేశంలోని 500 అగ్రశ్రేణి కంపెనీల్లో 12 నెలల పాటు ఇంటర్న్ షిప్ చేయడానికి విద్యార్థులకు అవకాశం కల్పించడం ఈ పథకం లక్ష్యం. ఆసక్తి కల విద్యార్థులు pminternshipscheme.comలో రిజిస్ట్రేషన్ చేసుకోవచ్చు.
అర్హత- పదో తరగతి, ఇంటర్ పూర్తి చేసినవారై వుండాలి. ఐటిఐ గ్రాడ్యుయేట్, పాలిటెక్నిక్ డిప్లొమా చేసినవారు కూడా రిజిస్ట్రర్ చేసుకోవచ్చు. బిఎ, బికాం, బిఫార్మ్ తదితర డిగ్రీలు చేసినవారు కూడా అప్లై చేసుకోవచ్చు.
వయసు: 21 నుంచి 24 సంవత్సరాల మధ్య వుండాలి.
అక్టోబర్ 12న రిజిస్ట్రేషన్ ప్రక్రియ ప్రారంభమైంది. రేపటితో అక్టోబర్ 25న ముగుస్తుంది. నవంబర్ 7 వరకూ కంపెనీలకు అభ్యర్థులను ఎంపిక చేస్తారు. నవంబర్ 15న ఎంపికైనవారికి ఆఫర్ లెటర్స్ పంపుతారు. డిశెంబర్ 2 నుంచి మొదటి బ్యాచ్ ఇంటర్న్ షిప్ ప్రారంభమవుతుంది.
తర్వాతి కథనం
